Raghu Karumanchi : తెలంగాణ యాసతో కామెడీ పండించి ఆది, అదుర్స్ వంటి సినిమాలతో కమెడియన్ గా మంచి గుర్తింపు తెచ్చుకున్న కమెడియన్ రఘు కారుమంచి, అదుర్స్ రఘుగా బాగా పేరు తెచ్చుకున్నాడు. 150 సినిమాలకు పైగా నటించిన రఘు జబర్దస్త్ లో కూడా టీం లీడర్ గా చాలా స్కిట్లలో చేసారు. ఇక ఆయన ఇంట విషాదం నెలకొంది. ఆయన తండ్రి కారుమంచి వెంకట్రావు గారు మరణించారు. కొంతకాలంగా అనారోగ్య సమస్యలతో బాధపడుతున్న వెంకట్రావు గారు గురువారం తుది శ్వాస విడిచారు. ఆయన వయసు 74 సంవత్సరాలు.
ఆర్మీ ఆఫీసర్ గా దేశానికి సేవలు…
జూన్ 10, 1947 న జన్మించిన కారుమంచి వెంకట్రావు గారు ఆర్మీ ఆఫీసర్ గా దేశానికి సేవలందించి రిటైర్ అయ్యారు. రిటైర్ అయ్యాక కొడుకు వద్ద ఉన్న వేంకట్రావు గారు కొడుకు కమెడియన్ గా గుర్తింపు తెచ్చుకోవడంతో చాలా ఆనందంగా ఉన్నారు. ఆయన మరణ వార్త రఘు గారి ఇంట్లో విషాదాన్ని నింపింది. రఘు గారికి ఆయన కుటుంబ సభ్యులకు ఇండస్ట్రీ వర్గాలు ఆయన సన్నిహితులు సంతాపం వ్యక్తం చేస్తున్నారు.
గత కొన్ని రోజులుగా ఇండస్ట్రీ లో మరణ వార్తలు వింటూనే ఉన్నాం. హీరోల, హీరోయిన్ల ఇళ్లల్లోను మరణ వార్తలు వింటూనే ఉన్నాం. మీనా భర్త, రాధికా శరత్ కుమార్ మాజీ భర్త, నోయల్ తండ్రి, సీనియర్ హీరో అర్జున్ తల్లి తాజాగా ఎన్టీఆర్ చిన్న కూతురు ఉమా మహేశ్వరి మరణించారు. ఇలా గత 45 రోజులుగా ఇండస్ట్రీ కి సంబంధించిన వాళ్ళ ఇళ్లల్లో విషాధాలు జరగడం బాధాకరం.
