RRR Movie: రాజమౌళి దర్శకత్వంలో ఎంతో ప్రతిష్టాత్మకంగా తెరకెక్కిన చిత్రం RRR. ఈ సినిమా ద్వారా చరిత్రలో ఎప్పుడు కలవని ఇద్దరు స్వాతంత్ర సమరయోధులను రాజమౌళి ఈ సినిమా ద్వారా కలిపారు. కమర్షియల్ చిత్రాలకు ఎంతో భిన్నంగా తెరకెక్కిన ఈ సినిమా బాక్సాఫీస్ వద్ద ఘన విజయాన్ని అందుకుంది. ఇప్పటి వరకు ఇండియన్ సినిమా లెక్కలను తిరగరాసేలా జక్కన్న ఈ సినిమాను ఎంతో అద్భుతంగా తెరకెక్కించారు.
కలెక్షన్ల పరంగా అత్యధిక వసూళ్లు రాబట్టిన ఈ సినిమాలో కొన్ని యాక్షన్ సన్నివేశాలు అలాగే రాజమౌళి సృష్టించిన విజువల్ వండర్ కూడా త్రిబుల్ ఆర్ సినిమాకి ప్రాణం పోశాయని చెప్పవచ్చు. ఈ సన్నివేశాలను VFSX ఎఫెక్ట్స్ తో తెరకెక్కించారని తెలిసినా ప్రతి ఒకరు ఆ సన్నివేశాలను ఎలా తెరకెక్కించారో తెలుసుకోవాలనే ఆతృత కనపరచారు.
ఈ క్రమంలోనే ఈ సన్నివేశాలని తెరకెక్కించిన వీడియోలను సోషల్ మీడియా వేదికగా DVV ఎంటర్టైన్మెంట్స్ షేర్ చేస్తూ వస్తున్నారు.ఈ క్రమంలోనే ఈ సినిమాలో ట్రైన్ బ్లాస్ట్ సన్నివేశం అందరిని ఎంతగానో ఆకట్టుకుంది. అయితే ఈ సన్నివేశాన్ని తీయడం వెనుక ఎంత కష్టపడ్డారు, ఈ సన్నివేశానికి, వీఎఫ్ఎక్స్ గ్రాఫిక్స్ వర్క్ కు సంబంధించిన వీడియోని రిలీజ్ చేశారు చిత్ర బృందం.
రాజమౌళి పై ప్రశంసలు…
సినిమాలో ఆయా సన్నివేశాల్లో Alzahravfx సంస్థ విజువల్ ఎఫెక్ట్స్ ఎలా క్రియేట్ చేసిందో తెలుపుతూ యూట్యూబ్ వీడియోలను షేర్ చేశారు. ప్రస్తుతం ఈ వీడియోలు సోషల్ మీడియాలో వైరల్ అవుతున్నాయి. ఈ వీడియో చూసిన ఎంతో మంది నెటిజన్లు సినిమా పట్ల రాజమౌళి ఉన్న అంకితభావం పై ప్రశంసలు కురిపిస్తున్నారు. ఆ ట్రైన్ బ్లాస్ట్ సీన్ కోసం వీఎఫ్ఎక్స్ ఎంత కష్టపడ్డారో..మీరు కూడా ఈ వీడియోలో చూడవచ్చు.
