Rakulpreeth Singh: రకుల్ ప్రీతిసింగ్ పరిచయం అవసరం లేని పేరు తెలుగు తమిళ భాషలలో మాత్రమే కాకుండా బాలీవుడ్ ఇండస్ట్రీలో కూడా వరుస సినిమాలలో నటిస్తూ అతి తక్కువ సమయంలోనే ఎంతో క్రేజ్ సొంతం చేసుకున్నటువంటి ఈ ముద్దుగుమ్మ ప్రస్తుతం బాలీవుడ్ ఇండస్ట్రీకి మాత్రమే పరిమితమయ్యారు. ఇలా వరుస సినిమాలతో ప్రేక్షకుల ముందుకు వస్తున్నటువంటి ఈమె పెద్ద ఎత్తున తన వ్యక్తిగత విషయాల వల్ల వార్తల్లో నిలుస్తుంటారు.
సాధారణంగా హీరోయిన్లు ఎవరితోనైనా ప్రేమలో పడితే వారి ప్రేమ విషయాన్ని రహస్యంగా ఉంచుతారు కానీ రకుల్ మాత్రం ప్రముఖ బాలీవుడ్ నటుడు నిర్మాత జాకీభగ్నానితో ప్రేమలో ఉన్న విషయాన్ని అధికారకంగా ప్రకటించారు ఇలా ఈమె ప్రేమ విషయం గురించి చెప్పడంతో తరచూ ఈమె బయటకు వెళ్లిన ప్రతిసారి మీడియా తన పెళ్లి గురించి ప్రశ్నిస్తూ తనని ఇబ్బందులకు గురి చేస్తున్నారు.
ఇలా తరచు తన పెళ్లి గురించి ఏదో ఒక వార్త సోషల్ మీడియాలో వైరల్ అవుతూ ఉండడంతో ఈ పెళ్లి వార్తలపై ఒకానొక సమయంలో తీవ్ర స్థాయిలో అసహనం వ్యక్తం చేశారు.అయితే ఈమె పెళ్లి గురించి ఇలాంటి వార్తలు రావడానికి గల కారణం ఈమె సోదరుడు ఆమన్ అని చెప్పాలి. ఈయన సోషల్ మీడియా వేదికగా రకుల్ ప్రీతిసింగ్ వచ్చే ఏడాది పెళ్లి చేసుకోబోతుందని పోస్ట్ చేయడంతో ఈ పెళ్లి వార్తలు వైరల్ అవుతున్నాయి.
Rakulpreeth Singh: గత ఏడాది నా పెళ్లి జరిగింది…
తాజాగా ఓ మీడియా సమావేశంలో భాగంగా రకుల్ ప్రీతిసింగ్ తన పెళ్లి గురించి స్పందించారు.ప్రతివారం నా పెళ్లి గురించి ఏదో ఒక వార్త వస్తూనే ఉంది మీ కథనం ప్రకారం నాకు గత ఏడాది నవంబర్ నెలలోనే పెళ్లి జరిగిపోయింది అయితే నా పెళ్లి ఎక్కడ ఎలా జరిగిందో మాత్రం నాకు తెలియదు అంటూ ఈమె తన పెళ్లి గురించి వస్తున్నటువంటి వార్తలపై స్పందిస్తూ క్లారిటీ ఇచ్చారు. ప్రస్తుతం రకుల్ చేసినటువంటి ఈ కామెంట్స్ సోషల్ మీడియాలో వైరల్ అవుతున్నాయి.
