Ram Gopal Varma : వివాదాలతో బ్రతికేస్తున్న ఆర్జీవి ఒకప్పుడు మాత్రం మంచి సినిమాలను తీసి శభాష్ అనిపించుకున్నాడు. ఇప్పటికి అర్జీవీ ఒకప్పటి సినిమాలను చూస్తే ఆ టేకింగ్ మరెవరికీ రాదు అనేంతలా ఆ సినిమాలు ఉంటాయి. ప్రస్తుతం ఆర్జీవి తీస్తున్న సినిమాలు ఎపుడు వస్తున్నాయో ఎపుడు పోతున్నాయో తెలియదు. అయితే ఒకప్పటి ఆర్జీవి సినిమాల గురించి ఆయన ఇటీవల ఒక ఇంటర్వ్యూలో మాట్లాడుతూ ఆ సినిమాలను ఎలా ప్లాన్ చేసుకున్నారు, కథ ఎలా అనుకున్నారు లాంటి విషయాలను పంచుకున్నారు. వర్మ కెరీర్లో శివ, రంగీలా, తరువాత సత్య సినిమా ను చెప్పొచ్చు, అలాంటి సత్య సినిమాను తక్కువ బడ్జెట్ లో అద్భుతంగా తీసిన వర్మ ఆ సినిమా విశేషాలను పంచుకున్నారు.
అంతం సినిమా కథే సత్య… ఊర్మిళ లేకపోతే రంగీలా లేదు…
సత్య సినిమాకు సంబంధించిన ప్రతి విషయాన్నీ డిటైల్డ్ గా తాజాగా ఇంటర్వ్యూలో పేర్కొంటున్న వర్మ ఆ సినిమా కథను ‘అంతం’ సినిమాను కొంచెం చేంజ్ చేసి తీసానంటూ చెప్పారు. అంతం సినిమా హిట్ అయ్యుంటే సత్య సినిమా వచ్చేది కాదంటూ చెప్పారు. అంతంలో ఎలా ఉంటుందో స్టోరీ అదే సత్య కు తీసుకున్నాను, కొన్ని చుట్టూ ఉన్న పాత్రలను మాత్రం మార్చాను అంటూ చెప్పారు.
అయితే అంతం సినిమా ఫ్లాప్ అయినా కూడా ఆ సినిమా వల్ల బాలీవుడ్ లో సత్య తీయగలిగాను అలానే ఆ సినిమాలో చెసిన ఊర్మిళ ‘గాయం’లో సెకండ్ హీరోయిన్ గా చేసింది. ఆ సమయంలో ఒక డాన్స్ తనది చూసి రంగీలా సినిమా ప్లాన్ చెసుకున్నాను. ఇలా అంతం సినిమా నాకు ఎంతగానో ఉపయోగపడింది. అంతం సినిమా వల్ల సత్య సినిమా వచ్చింది. అలాగే ఊర్మిళ దొరికి రంగీలా సినిమా తీసాను. ఊర్మిళ లేకపోతే రంగీలా సినిమా లేదు అంటూ తెలిపారు.
