Ramcharan: మెగా పవర్ స్టార్ రామ్ చరణ్ ఉపాసన మరో రెండు నెలలలో తల్లిదండ్రులు కాబోతున్న విషయం మనకు తెలిసిందే. పెళ్లయిన తర్వాత దాదాపు పది సంవత్సరాలకు ఉపాసన ప్రెగ్నెంట్ కావడంతో ఈ సంగతి మెగా కుటుంబంలోనూ అలాగే అభిమానులలోను ఎంతో సంతోషాన్ని కలిగించింది.ఇలా రాంచరణ్ ఉపాసన దంపతులు తల్లిదండ్రులు కాబోతున్నారన్న వార్త తెలియగానే బుల్లి వారసుడి కోసం ఎదురుచూపులు మొదలయ్యాయి.
ఇక ఉపాసన సైతం ప్రెగ్నెంట్ అనే విషయాన్ని అనౌన్స్ చేసినప్పటి నుంచి తన ప్రెగ్నెన్సీకి సంబంధించిన అన్ని విషయాలను అలాగే తన బేబీ షవర్ వేడుకలను ఎప్పటికప్పుడు అభిమానులతో పంచుకుంటున్నారు. ఇలా ఎప్పటికప్పుడు తన ప్రెగ్నెన్సీ విషయాలను తెలియచేస్తూ అభిమానులలో సంతోషాన్ని నింపుతున్నారు. ఇకపోతే తాజాగా రాంచరణ్ సైతం తనకు పుట్టబోయే బిడ్డ గురించి సంచలన వ్యాఖ్యలు చేశారు.
ప్రస్తుతం రామ్ చరణ్ కాశ్మీర్ లో జరుగుతున్న జి 20 సదస్సులో పాల్గొన్న విషయం మనకు తెలిసిందే. ఈ క్రమంలోనే అక్కడ పలు ఇంటర్వ్యూలలో కూడా ఈయన పాల్గొంటున్నారు. ఈ సందర్భంగా ఒక ఇంటర్వ్యూలో మాట్లాడిన రామ్ చరణ్ తనకు పుట్టబోయే బిడ్డ గురించి సంచలన వ్యాఖ్యలు చేశారు. ఈ సందర్భంగా రామ్ చరణ్ మాట్లాడుతూ తనకు జపాన్ అంటే ఎంతో ఇష్టమని తెలియజేశారు.
Ramcharan: మ్యాజిక్ మొత్తం జపాన్ లో జరిగింది…
తనకు పుట్టబోయే బిడ్డకు జపాన్ కు మంచి అనుబంధం ఉందని అందుకే తనకు జపాన్ అంటే చాలా ఇష్టం అని జపాన్ అంటే తన మనసులో ఎప్పటికీ ప్రత్యేక స్థానం ఉంటుందని చరణ్ తెలియజేశారు.ప్రస్తుతం ఉపాసన ఏడవ నెల ప్రెగ్నెంట్ అయితే ఈ మ్యాజిక్ అంతా జపాన్లోనే జరిగింది అంటూ ఈయన సరదాగా నవ్వుతూ తన పుట్టబోయే బిడ్డ గురించి తెలియజేశారు. అయితే RRR ప్రమోషన్లలో భాగంగా జపాన్ వెళ్లి వచ్చిన తర్వాత వీరిద్దరు తమ ప్రెగ్నెన్సీని కన్ఫామ్ చేసిన విషయం మనకు తెలిసిందే.
I am truly grateful for the opportunity to showcase the richness of our rooted culture & mysticism through our films at the G20 Summit. Indian Cinema possesses a unique beauty in its ability to impart valuable life lessons through highly relatable content. @kishanreddybjp Garu… pic.twitter.com/IPBxu0Mi40
— Ram Charan (@AlwaysRamCharan) May 24, 2023
