Rashmika: నేషనల్ క్రష్ రష్మిక … ఈ పేరు గురించి తెలియని వారంటూ ఉండరు. కన్నడ సినిమా ద్వారా హీరోయిన్ గా మారిన రష్మిక ఇప్పుడు ఇటు సౌత్ ఇండస్ట్రీతో పాటు బాలీవుడ్ ఇండస్ట్రీలో కూడా స్టార్ హీరోయిన్ గా గుర్తింపు పొందింది. ఛలో సినిమా ద్వారా తెలుగు ప్రేక్షకులకు దగ్గరైన రష్మిక ఆ తర్వాత వరుసగా స్టార్ హీరోల సరసన నటించే అవకాశాలు అందుకొని హీరోయిన్ గా మంచి గుర్తింపు పొందింది.
ఇక గతేడాది విడుదలైన పుష్ప సినిమాలో శ్రీవల్లి పాత్రలలో నటించి అందరినీ మెప్పింది. పుష్ప సినిమా తో పాన్ ఇండియా హీరోయిన్ గా మంచి క్రేజ్ సొంతం చేసుకుంది. ఇదిలా ఉండగా ఇటీవల ఒక ఇంటర్వ్యూలో పాల్గొన్న రష్మిక ఆసక్తికర విషయాలను వెల్లడించింది. ఈ ఇంటర్వ్యులో ఆమె మాట్లాడుతూ…” నటిగా నేను ఎంత ఎత్తుకి ఎదిగినా కూడా నా విషయంలో నా తల్లి తండ్రులు ఇంకా గర్వపడలేదు.
చిత్ర పరిశ్రమలో నేనేం చేస్తున్నానో వారికి తెలియదు. ఎందుకంటె వారు మొదటి నుండి సినీ పరిశ్రమకు దూరంగా ఉంటున్నారు. అయితే నా నటనకు అవార్డులు వచ్చినప్పుడు మాత్రం వారు ఆనందిస్తారు అంటూ చెప్పుకొచ్చింది. అలాగే నా పని గురించి వారికి పూర్తి అవగాహన లేకపోయినా కూడా నాకు అవసరమైనవి అన్ని సమకూరుస్తున్నారు అని రష్మీక తెలిపింది. అందుకే నేను వారిని గర్వపడేలా చేయటానికి మరింత కష్టపడాల్సి ఉంటుంది” అని తెలిపింది.
Rashmika: తల్లిదండ్రుల కష్టం చూసాను…
నేషనల్ క్రష్ గా గుర్తింపు పొందిన రష్మీక ఇటీవల ఐఎండిబీ రూపొందించిన పాపులర్ ఇండియన్ సెలబ్రిటీ లిస్టులో మూడవ స్థానంలో నిలిచింది. ఇక రష్మీక సినిమాల విషయానికి ప్రస్తుతం తెలుగులో పుష్ప 2 సినిమాతో పాటు మరో రెండు సినిమాలలో నటిస్తోంది. అలాగే హిందీలో కూడా ప్రస్తుతం ఒక సినిమాలో నటిస్తోంది. ఇలా వరుస సినిమాలతో బిజీగా ఉండే ఈ అమ్మడు సోషల్ మీడియాలో కూడా చాలా యాక్టివ్ గా ఉంటూ ఎప్పటికప్పుడు హాట్ ఫోటోలను షేర్ చేస్తూ ఉంటుంది.
