వేసవికాలం వచ్చిందంటే చాలు వాతావరణంలో ఉష్ణోగ్రత పెరిగిపోతాయి. ఈ క్రమంలోనే చాలామంది ఏసీలు కొనాలనుకుంటారు. ఈ క్రమంలోనే వేసవి కాలంలో పెద్ద ఎత్తున ఏసీలను కొనుగోలు చేస్తుంటారు.అయితే ఏసీలు కొనాలనుకునేవారు ముందుగా ఏసీల గురించి కొన్ని విషయాలను తప్పనిసరిగా తెలుసుకోవాల్సిందే.
ఎవరైతే ఏసీ లను కొనాలనుకుంటున్నారో వారు ముందుగా వారి రూమ్ సైజు, ఏసీ సైజు, కెపాసిటీ, ఎనర్జీ రేటింగ్ అన్న విషయాలను ముందుగా గుర్తుపెట్టుకోవాలి. ఏసీ లలో ఎన్నో రకాలు ఉంటాయి. విండో ఏసి, సెంట్రల్ ఏసి, స్ప్లిట్ ఏసి, వంటి రకాలు ఉన్నాయి.అయితే చాలామంది ఇళ్లల్లో కి ఎక్కువగా విండో ఏసీ లేదా స్ప్లిట్ ఏసీ లను ఉపయోగిస్తారు.
ఓకే రూమ్ కు ఏసీ కావాలనుకునేవారు విండో ఏసి తీసుకోవచ్చు. స్ప్లిట్ ఏసి కన్నా విండో ఏసి లను ఎంతో సులభంగా ఇన్ స్టాల్ చేసుకోవచ్చు. మీరు ఏసీ వేసుకోవాలనే గది కిటికీ ఉంటే విండో ఏసి ఎంతో మంచిది. స్ప్లిట్ ఏసి అయితే ఇన్స్టాల్ చేసుకోవడం కొంచెం కష్టంగా ఉండటమే కాకుండా రెండు యూనిట్లు ఉంటాయి. ఒకటి బయట మరొకటి లోపల పెట్టుకోవాలి.
ఏసీల కెపాసిటీ లను టన్నులలో కొలుస్తారు. మన రూమ్ సైజును బట్టి ఏసీ కెపాసిటీని తీసుకోవాలి. రూమ్ సైజు చిన్నగా ఉంటే ఒక టన్ను కెపాసిటీ సరిపోతుంది. చాలామంది ఏసీ కొంటె ఎక్కువ కరెంటు ఖర్చవుతుందని భావిస్తుంటారు. కరెంటు ఖర్చు తక్కువగా రావాలంటే మనం 5 స్టార్ ఏసీలనే కొనాలి. విండో ఏసి ధర 17 వేల నుంచి ప్రారంభం కాగా, స్ప్లిట్ ఏసి లు 21 నుంచి మొదలవుతాయి.
