RK Roja: సినీనటి, జబర్దస్త్ జడ్జిగా ఎంతో మంచి గుర్తింపు సంపాదించుకున్న రోజా రాజకీయాలలో కూడా ఎమ్మెల్యేగా మంత్రిగా గుర్తింపు పొందారు. ఈమె వైయస్సార్ కాంగ్రెస్ పార్టీ నుంచి ఎమ్మెల్యేగా మంత్రిగా ఎన్నిక అయ్యి నగరి నియోజకవర్గంలో 10 సంవత్సరాల పాటు ప్రజలకు సేవ చేశారు అయితే ఈ ఎన్నికలలో కూడా ఈమె గెలుస్తుందని ఎంతో ధీమా వ్యక్తం చేశారు.
జగనన్న రెండోసారి సీఎం అవుతారని భావించిన రోజా చివరికి తాను ఎమ్మెల్యేగా కూడా గెలవలేకపోయారు. ఇలా వైయస్సార్ కాంగ్రెస్ పార్టీ ఘోరంగా ఓటమి పాలైన తర్వాత రోజా పెద్దగా మీడియా ముందుకు కూడా రావడం లేదు. అంతేకాకుండా ఈమె నగరిలో కాకుండా ప్రస్తుతం చెన్నైలోనే ఉంటున్నారు. ఎలా ఎమ్మెల్యేగా గెలవలేకపోవడంతో ఈ ఐదు సంవత్సరాల పాటు రోజ ఖాళీగానే ఉంటారు.
ఇలా ఖాళీగా ఉండడం దేనికని భావించిన ఈమె తిరిగి ఇండస్ట్రీలోకి రావడం కోసం ప్రయత్నాలు చేస్తున్నారని తెలుస్తోంది. ఇప్పటికే బుల్లితెర కార్యక్రమం అయిన జబర్దస్త్ ద్వారా ఎంతో మంచి సక్సెస్ అందుకున్న రోజా తిరిగి ఈ కార్యక్రమానికి జడ్జిగా రావాలని మల్లెమాల వారికి కబురు పంపినట్టు తెలుస్తోంది. అయితే పెద్దగా ఈ షో సక్సెస్ లేకపోవడంతో రోజాకు భారీ మొత్తంలో రెమ్యూనరేషన్ ఇవ్వలేని పరిస్థితిలో మల్లెమాలవారు ఉన్నారని తెలుస్తోంది.
తమిళ బుల్లితెర అవకాశాలు..
ఈ క్రమంలోనే రోజా ఈసారి తెలుగులో కాకుండా తమిళ బుల్లితెర కార్యక్రమాలలో అవకాశాల కోసం ప్రయత్నాలు చేస్తున్నారని ఈమెకు ఓ రెండు షోలలో ఛాన్సులు వచ్చే అవకాశాలు కూడా ఉన్నాయని కనిపిస్తోంది. ఇక ఈమెకు బుల్లితెర అవకాశాలు తీసుకురావడం కోసం తన భర్త డైరెక్టర్ సెల్వమని భారీగానే ప్రయత్నాలు కూడా చేస్తున్నారట. మరి ఈమెకు తిరిగి తమిళనాట బుల్లితెర అవకాశాలు వస్తాయా రావా అనేది తెలియాల్సి ఉంది.
