Sai Dharam Tej: మెగా మేనల్లుడు సాయి ధరంతేజ్ విరూపాక్ష సినిమా ద్వారా ఎంతో మంచి సక్సెస్ అందుకున్నారు. ఈ సినిమా మంచి హిట్ కావడంతో సినిమాలకు కమిట్ అవుతున్నారు. ఈ క్రమంలోనే సాయిధరమ్ తేజ్ నటించిన విరూపాక్ష సినిమా ద్వారా హిట్ అందుకున్నటువంటి ఈయన త్వరలోనే బ్రో సినిమా ద్వారా ప్రేక్షకుల ముందుకు రావడానికి సిద్ధమయ్యారు. ఈ సినిమా ఈనెల 28వ తేదీ ప్రేక్షకుల ముందుకు రాబోతుంది.
ఈ విధంగా ఈ సినిమా విడుదల దగ్గర పడుతున్నటువంటి నేపథ్యంలో ప్రమోషన్ కార్యక్రమాలను మొదలుపెట్టారు. అయితే సాయి ధరమ్ తేజ ఈ మధ్యకాలంలో పలు దైవ దర్శనాలను సందర్శించుకుంటున్న విషయం మనకు తెలిసిందే . తాజాగా కడప అమీన్ దర్గాలో ఈయన సందడి చేశారు ఇక్కడ ప్రత్యేక పూజలు చేసిన అనంతరం ఈయన మాట్లాడుతూ పలు విషయాలు తెలియజేశారు.
రోడ్డు ప్రమాదం తర్వాత నేను బ్రతికి బయటపడ్డాను అంటే ఇది నాకు పునర్జన్మ. ఈ పునర్జన్మను ప్రసాదించిన దేవుడికి కృతజ్ఞతలు తెలుపుతూ ఇలా పలు ఆలయాలకు వెళ్తున్నానని సాయి ధరమ్ తేజ్ వెల్లడించారు. ఇక సినిమాల గురించి ఈయన మాట్లాడుతూ తను పవన్ కళ్యాణ్ మామయ్యతో సినిమా చేయడం ఒక గొప్ప అనుభూతిగా భావిస్తున్నాను ఇలా తనతో సినిమా చేసే అవకాశం రావడం నిజంగా నా అదృష్టం.
Sai Dharam Tej: ఇండస్ట్రీలో కొనసాగడమే ఇష్టం…
పవన్ కళ్యాణ్ మామయ్య అంటే తనకు ప్రాణం ఆయన ఏం చెబితే అదే చేస్తాను తనకు రాజకీయాలపై ఆసక్తి ఉంటే తనని రాజకీయాలలోకి రమ్మన్నారు. అయితే నాకు సినిమా ఇండస్ట్రీ అంటే ఇష్టమని తెలుసుకున్నటువంటి మామయ్య తనని ఇండస్ట్రీలోనే కొనసాగమని చెప్పారు అంటూ ఈ సందర్భంగా సినిమాల గురించి రాజకీయాల గురించి సాయి ధరమ్ తేజ చేసిన కామెంట్స్ వైరల్ అవుతున్నాయి.
