సాధారణంగా ఏ పాఠశాలలో అయినా అమ్మాయిలకు షర్ట్, స్కర్ట్ స్కూల్ యూనిఫామ్ గా ఉంటుంది. అదేవిధంగా అబ్బాయిలకు షర్ట్ ప్యాంట్ యూనిఫామ్ ఉంటుంది. కచ్చితంగా పాఠశాలకు వెళ్లే విద్యార్థులు యూనిఫామ్ నిబంధనలు పాటించే వెళ్లాలి. కానీ ఓ విద్యార్థి మాత్రం పాఠశాల నిబంధనలకు విరుద్ధంగా షర్ట్ కి బదులుగా తన అక్క షర్ట్, స్కర్ట్ ధరించి స్కూలుకు వెళ్లిన ఘటన స్కాట్లాండ్ లో చోటు చేసుకుంది. ఈ విధంగా బాలుడు తన సిస్టర్ దుస్తులు ధరించి పాఠశాలకు వెళ్లడానికి కారణం లేకపోలేదు. మరి ఆ కారణం ఏమిటో ఇక్కడ తెలుసుకుందాం…
స్కాట్లాండ్ లోని Dumfries and Galloway ప్రాంతంలో ఉన్న మోఫాట్ అకాడమీ అనే స్కూల్లో చదువుతున్న షేన్ రిచర్డ్సన్ స్కర్ట్ ధరించి స్కూల్కు హాజరయ్యాడు. రిచర్డ్ సన్ మాదిరిగానే మరో 12 మంది అబ్బాయిలు స్కర్ట్ ధరించి పాఠశాలకు వెళ్లగా పాఠశాలల్లోని విద్యార్థులు వీరి వైపు వింతగా చూశారు. ఈ క్రమంలోనే పాఠశాల యాజమాన్యం వారిని తిరిగి ఇంటికి పంపించారు.
స్కూల్ నిబంధనల ప్రకారం అబ్బాయిలు కేవలం ప్యాంటు, చొక్కా ధరించిన వారికి మాత్రమే అనుమతించి మిగతా వారిని తిరిగి ఇంటికి పంపించారు. ఈ క్రమంలోనే పాఠశాల నియమానికి వ్యతిరేకంగా నిరసన తెలపాలని రిచర్డ్సన్ నిర్ణయించుకున్నాడు. ఈ క్రమంలోనే తన సిస్టర్ వద్ద నుంచి స్కర్ట్ తీసుకుని.. దానిని ధరించి స్కూల్కు హాజరయ్యాడు.
రిచర్డ్సన్ ఈ విధమైన నిర్ణయాన్ని చేసుకోవడానికి గల కారణాన్ని Daily Mailతో మాట్లాడుతూ అసలు విషయాన్ని తెలిపాడు. ప్రస్తుతం వ్యాపించి ఉన్న కరోనా పరిస్థితుల నేపథ్యంలో తరగతి గదిలో ఎయిర్ కండిషనర్స్ ఆన్ చేయడం లేదు. దీంతో క్లాస్ రూమ్స్లో చాలా వేడిగా ఉండటం వల్లే నా సిస్టర్ స్కర్ట్ ధరించి స్కూల్ కు హాజరయ్యానని తెలిపారు. ఈ క్రమంలోనే కొందరు అమ్మాయిలు కూడా షార్ట్ ధరించి స్కూల్ కి రావడంతో పాఠశాల యాజమాన్యం వారిని మందలించినట్టు తెలుస్తుంది.
