సుకుమార్ దర్శకత్వంలో తెరకెక్కే సినిమాలంటే ప్రేక్షకులకు ఒక అంచనా ఉంటుంది. అయితే రంగస్థలం సినిమాతో తనలో ఉన్నటువంటి మాస్ యాంగిల్ ని కూడా బయట పెట్టాడు దర్శకుడు సుకుమార్. ఈ క్రమంలోనే రంగస్థలం సినిమా తర్వాత అల్లు అర్జున్ హీరోగా పుష్ప సినిమాలో అదే మాస్ యాంగిల్ లో పుష్ప సినిమాని తెరకెక్కిస్తున్నారు. ఇకపోతే ఈ సినిమాలో అల్లు అర్జున్ రష్మిక ప్రధాన పాత్రలలో నటిస్తున్నారు.
పాన్ ఇండియా స్థాయిలో తెరకెక్కుతున్న ఈ సినిమాకు సంబంధించి ఇప్పటికీ పలు పోస్టర్లు పాటలు విడుదలయ్యాయి. తాజాగా ఈ చిత్రం నుంచి థర్డ్ సింగిల్ సామి సామి అనే పాటను విడుదల చేయడంతో ఈ పాట కూడా యూట్యూబ్ లో ట్రెండ్ అవుతుంది. మౌనిక యాదవ్ పాడిన ఈ పాటకు దేవి శ్రీ సంగీతం ఎంతో అద్భుతంగా ఉందని చెప్పవచ్చు.
ఇకపోతే ఇందులో సుకుమార్ హీరోయిన్ ను చూపించే విధానం అచ్చం రంగస్థలం సినిమాలోని రంగమ్మ మంగమ్మ అనే పాటలో సమంతను చూపించిన విధంగానే పుష్ప సినిమాలో సామి సామి అనే పాటలో శ్రీవల్లినీ చూపించినట్టు ఉందంటూ నెటిజన్లు సెటైర్లు వేస్తున్నారు.
అయితే ఈ పాటను విడుదల చేయగా అత్యధిక వ్యూస్ తో దూసుకుపోతూ సినిమాపై భారీ అంచనాలను పెంచుతోంది. ఇకపోతే త్వరలోనే ఈ సినిమా షూటింగ్ పూర్తి చేసుకొని ఈ సినిమాను డిసెంబర్ 17 వ తేదీన ప్రపంచ వ్యాప్తంగా విడుదల చేయనున్నారు.
