బిగ్ బాస్ హౌస్ లో ఇంటి సభ్యుల మధ్య బాండింగ్ మరింత బలపడిపోతోంది. చిన్న విషయాలకు కూడా ఒకరిపై ఒకరు అలుగుతూ.. మాట్లాడుకోకపోవడం.. కన్నీళ్లు పెట్టుకుంటే.. ఒకరిని ఒకరు ఓదార్చుకోవడం జరుగుతోంది. నిన్న జరిగిన ఎపిసోడ్ లో అయితే షణ్ముఖ్, సిరిమధ్య చిన్న పాటి మనస్పర్థలతో సిరి అయితే వెక్కి వెక్కి ఏడ్చింది.
అసలేం జరిగిందంటే.. సిరి, షణ్ముఖ్ మధ్య చిన్నపాటి గొడవ జరిగింది. షణ్ముక్ దగ్గరకు రాగానే.. నిన్ను చూస్తే చిరకాకుగా ఉంది.. ఇక్కడ నుంచి వెళ్లిపో అంటూ గట్టిగానే చెబుతుంది. అతడు అలానే అక్కడ నుంచి వెళ్లిపోతాడు. తర్వాత సన్నీ నామినేషన్స్ కు సంబంధించి ఇమిటేట్ చేస్తే సిరి నవ్వుతుంది.
తర్వాత కొద్ది సమయానికి షణ్ముఖ్ అక్కడ జరిగిన సంభాషణకు బాగా ఫీల్ అయినట్లు కనిపించింది. నాకు దీప్తి గుర్తుకువస్తుంది.. నీతో ఇక మాట్లాడను ఇక్కడ నుంచి వెళ్లిపో అని షణ్ముక్ అంటాడు. ఆ మాటలకు సిరి బాగా బాధపడుతుంది. వీళ్లిద్దరి మధ్య గొడవలు, మాట్లాడుకోక పోవడం అన్నీ కామనే.. అయినా మళ్లీ కలుసుకుంటారు.
కానీఈ సారి సిరి చాలా సీరియస్ గా తీసుకున్నట్లుంది. బాత్రూమ్ వెళ్లి.. తలను గోడకు కొట్టుకున్నట్లు కనిపించింది. బాత్రూమ్ నుంచి ఇంకా బయటకు రాకపోవడంతో రవి వచ్చి సిరి బయటకు రా.. అంటూ అంటాడు.. అయినా రాకపోవడంతో అందరూ అక్కడకు చేరుకొని గట్టిగా అరవడంతో బటయకు వచ్చేస్తుంది. తర్వాత సిరిని షణ్ముఖ్ ఓదార్చుతాడు.
