Sonia: జార్జ్ రెడ్డి మూవీతో సిల్వర్ స్క్రీన్ కి పరిచయమైన తెలుగు అమ్మాయి సోనియా ఆకుల. ఈమె రామ్ గోపాల్ వర్మ తెరకెక్కించిన కరోనా వైరస్, దిశా ఎన్కౌంటర్ చిత్రాల్లో హీరోయిన్ గా ప్రేక్షకుల ముందుకు వచ్చి ఎంతో మంచి గుర్తింపు సంపాదించుకున్నారు. ఇలా ఇండస్ట్రీలో ఎంతో క్రేజ్ సొంతం చేసుకున్న సోనియా ఆకుల అనంతరం బిగ్ బాస్ కార్యక్రమంలోకి అడుగుపెట్టారు.
ఇలా బిగ్ బాస్ 8 కార్యక్రమంలో కంటెస్టెంట్ గా పాల్గొన్న ఈమె నాలుగు వారాలపాటు హౌస్ లో కొనసాగుతూ నాలుగవ వారం హౌస్ నుంచి బయటకు వచ్చారు. ఇలా హౌస్ లో సోనియా ఉన్నది తక్కువ కాలమే అయినప్పటికీ కాస్త నెగెటివిటీని సొంతం చేసుకున్నారు. అయితే బయటకు వచ్చిన తర్వాత తన పట్ల జరిగిన డ్యామేజ్ కంట్రోల్ చేసే ప్రయత్నం చేశారు.
ఇకపోతే ఈమె తాజాగా ప్రియుడితో నిశ్చితార్థం జరుపుకొని ఒక్కసారిగా అందరికీ షాక్ ఇచ్చారు. నిజానికి ఈమె బిగ్ బాస్ కార్యక్రమానికి వెళ్ళకముందే పెళ్లి కుదిరిందట తన అత్తమామలు భర్త అంగీకారంతోనే బిగ్ బాస్ కార్యక్రమంలోకి అడుగుపెట్టిన సోనియా బిగ్ బాస్ నుంచి బయటకు వచ్చిన వెంటనే తన ప్రియుడుతో కలిసి నిశ్చితార్థం జరుపుకున్నారు. వీరి నిచ్చితార్థం ఈనెల 21వ తేదీ జరిగింది అయితే కాస్త ఆలస్యంగా ఈమె నిశ్చితార్థపు ఫోటోలు బయటకు వచ్చాయి.
Sonia: రెండో పెళ్లి..
ఇక సోనియా నిశ్చితార్థపు ఫోటోలు వైరల్ గా మారడంతో ఈమె పెళ్లి చేసుకోబోయే వ్యక్తి ఎవరు ఏంటి అనే విషయాలపై అభిమానులు ఆరా తీయడం మొదలుపెట్టారు. ఇక సోనియా పెళ్లి చేసుకోబోయే వ్యక్తి పేరు యష్ పాల్. ఆయనతో సోనియాకు చాలా కాలంగా పరిచయం ఉంది. ఆ పరిచయం కాస్త ప్రేమగా మారడంతో కుటుంబ సభ్యుల సమక్షంలో పెళ్లికి సిద్ధమయ్యారు అయితే ఈయనకు ఇదివరకే పెళ్లి జరిగి తన భార్య నుంచి విడాకులు తీసుకున్నారని తెలుస్తోంది. ఇలా సోనియా మెడలో ఆయన రెండోసారి మూడు ముళ్ళు వేయబోతున్నారనే విషయం తెలిసిన అభిమానులు షాక్ అవుతున్నారు.
