Sr.NTR: ప్రస్తుత కాలంలో టెక్నాలజీ ఎంతో అభివృద్ధి చెందడంతో సెలబ్రిటీలు వారికి సంబంధించిన విషయాలను ఇంస్టాగ్రామ్ లేదా ట్విట్టర్ ద్వారా అభిమానులతో పంచుకుంటారు అయితే గతంలో అలా కాదు అభిమానులకు హీరోలు ఏదైనా తెలియచేయాలి అంటే వార్తాపత్రికల ద్వారా మాత్రమే తెలియజేసే వారు ఇలా హీరోలు తమ స్వహస్తాలతో అభిమానుల కోసం లేఖ రాసేవారు.
ఈ విధంగా అభిమానులు ఇలా హీరోలు తమ కోసం రాసిన ఈ లేఖలను చూసి ఎంతో సంతోషపడేవారు అయితే హీరోలు ఈ లేఖలను వార్తాపత్రికల ద్వారా మాత్రమే రాస్తూ అభినందనలను కృతజ్ఞతలను అభిమానులకు తెలియజేసేవారు.ఈ క్రమంలోనే నందమూరి తారక రామారావు కూడా అభిమానులను ఉద్దేశించి వారికి కృతజ్ఞతలు తెలుపుతూ రాసినటువంటి ఒక లేఖ ప్రస్తుతం సోషల్ మీడియాలో వైరల్ అవుతుంది.
ఎన్టీఆర్ విజయ చిత్ర పత్రిక ద్వారా 1966 నూతన సంవత్సరం సందర్భంగా అభిమానులకు ఈ పత్రిక ద్వారా శుభాకాంక్షలు తెలియజేయడమే కాకుండా నటుడిగా తనని ఈ స్థాయిలో నిలబెట్టినందుకు అభిమానులకు ప్రేక్షకులకు సినిమా ఇండస్ట్రీకి సంబంధించిన ప్రతి ఒక్కరికి ఈయన కృతజ్ఞతలు తెలియజేస్తూ రాసినటువంటి ఈ లేఖ ఎంతో చూడముచ్చటగా ఉంది.
Sr.NTR: అక్షర దోషాలు లేకుండా….
అచ్చ తెలుగులో ఎలాంటి అక్షర దోషాలు లేకుండా ముత్యాలు లాంటి అక్షరాలతో ఎన్టీఆర్ ఈ లేఖను ఎంతో అందంగా రాశారు. ఇక ఈ లేఖ రాసిన అనంతరం చివరిలో ఇట్లు మీ రామారావు అని ఆయన సంతకం కూడా చేశారు. ఇలా ఎన్టీఆర్ గతంలో రాసినటువంటి ఈ లేఖ ప్రస్తుతం సోషల్ మీడియాలో వైరల్ కావడంతో ఎంతో మంది అభిమానులు ఎన్టీఆర్ చేతి రాత చూసి సంబర పడుతున్నారు. ప్రస్తుతం ఈ లేక వైరల్ గా మారింది.
