Sreeleela: టాలీవుడ్ యంగ్ బ్యూటి శ్రీ లీల త్వరలోనే రాబిన్ హుడ్ సినిమా ద్వారా ప్రేక్షకుల ముందుకు రాబోతున్నారు. ఈ సినిమా డిసెంబర్ 20వ తేదీ ప్రేక్షకుల ముందుకు రాబోతున్న నేపథ్యంలో ప్రమోషన్ కార్యక్రమాలను కూడా నిర్వహిస్తున్నారు. ఇటీవల ప్రెస్ మీట్ కార్యక్రమంలో చిత్ర బృందం పాల్గొన్నారు. ఈ కార్యక్రమంలో భాగంగా రిపోర్టర్స్ అడిగే ప్రశ్నలకు శ్రీ లీల చెప్పిన సమాధానాలు ప్రస్తుతం వైరల్ అవుతున్నాయి.
ముఖ్యంగా శ్రీ లీల అల్లు అర్జున్ హీరోగా నటించిన పుష్ప 2 సినిమాలో స్పెషల్ సాంగ్ చేసిన సంగతి మనకు తెలిసిందే. ప్రస్తుతం ఈ సాంగ్ భారీగా ట్రెండ్ అవ్వడమే కాకుండా సినిమాపై అంచనాలను కూడా పెంచేస్తున్నాయి. అయితే ఈ పాట గురించి రిపోర్టర్ శ్రీ లీలను ప్రశ్నిస్తూ.. కెరియర్ పీక్ స్టేజ్ లో ఉన్న సమయంలో ఇలా స్పెషల్ సాంగ్ చేయడానికి గల కారణమేంటని ప్రశ్నించారు.
Sreeleela: డ్యాన్సింగ్ కింగ్..
నేను ఈ సినిమాలో స్పెషల్ సాంగ్ చేయడానికి చాలా పెద్ద రీసన్ ఉంది అయితే ఆ రీజన్ ఏంటి అనేది సినిమా రిలీజ్ అయిన తర్వాత మీకే తెలుస్తుంది అని తెలిపారు.. మీరు డ్యాన్సింగ్ క్వీన్ కదా మరి మీ దృష్టిలో డ్యాన్సింగ్ కింగ్ ఎవరు అంటూ ప్రశ్న వేశారు ఈ ప్రశ్నకు ఈమె సమాధానం చెబుతూ.. అల్లు అర్జున్ డ్యాన్సింగ్ కింగ్ కావడంతోనే మా కాంబినేషన్ లో వచ్చిన ఈ స్పెషల్ సాంగ్ ఎంతో అద్భుతంగా ఉందని శ్రీ లీల తెలిపారు. ఇక ఈ పాటకు తాను తీసుకున్న రెమ్యూనరేషన్ గురించి కూడా ప్రశ్న ఎదురవడంతో ఇప్పటివరకు నేను నిర్మాతలతో రెమ్యూనరేషన్ గురించి అసలు మాట్లాడలేదు నేను కేవలం బాధ్యతతో మాత్రమే ఈ సాంగ్ చేశానని తెలిపారు.
