అనిల్ పాదూరి దర్శకత్వంలో ఆకాష్ పూరి, కేతికశర్మ జంటగా నటించిన రొమాంటిక్ చిత్రం అక్టోబర్ 29 రేపు విడుదల కానుంది. ఈ క్రమంలోనే చిత్ర బృందం ఈ సినిమా ప్రమోషన్ కార్యక్రమాలను వేగవంతం చేసి ఈ సినిమాపై హైప్ క్రియేట్ చేశారు. ఈ క్రమంలోనే ఈ సినిమా ప్రీమియర్ షోను దర్శక ధీరుడు ఎస్ ఎస్ రాజమౌళి దంపతులు, బాబీ, గోపీచంద్ మలినేని, అనిల్ రావిపూడి, బొమ్మరిల్లు భాస్కర్, హరీష్ శంకర్,మెహర్ రమేష్ వంటి దర్శకులు ఈ సినిమా ప్రీమియర్ షోను చూశారు.
ఇక ఈ సినిమా చూసిన తర్వాత దర్శక ధీరుడు రాజమౌళి ఈ సినిమా గురించి ఆసక్తికరమైన వ్యాఖ్యలు చేశారు. ఈ సినిమాను ఇప్పుడే చూశాను చాలా అద్భుతంగా ఉంది. రొమాంటిక్ సినిమా గురించి ఏదైనా వంక పెడితే యూత్ గొడవ చేస్తారేమో… ముసలోడు అయిపోయావు.. నీకేం తెలుస్తుందని యువత నాతో గొడవకు దిగుతారు అంటూ రాజమౌళి ఈ సినిమా గురించి షాకింగ్ కామెంట్స్ చేశారు.
అనిల్ ఈ సినిమాను ఎంతో అద్భుతంగా తెరకెక్కించారని ఆకాశ్, కేతిక జంట అద్భుతంగా ఉందని ఈ సందర్భంగా రాజమౌళి తెలియజేశారు. ఇకపోతే ఆకాష్ బాల నటుడిగా మంచి గుర్తింపు తెచ్చుకున్నారు. ఈ సినిమా అతనికి మరొక మెట్టు పైకి ఎక్కించిందని ఇండస్ట్రీకి మరొక టాలెంటెడ్ హీరో దొరికాడని ఆకాష్ పూరి పై ప్రశంసలు కురిపించారు.
ఈ సినిమాలో క్లైమాక్స్ సన్నివేశం తనకు ఎంతగానో నచ్చిందని రాజమౌళి సినిమా గురించి తెలియజేశారు. ఇక ఈ సినిమాని పూరి జగన్నాథ్ చార్మి సంయుక్తంగా నిర్మించిన సంగతి తెలిసిందే.
