ఐస్ క్రీంపార్లర్ లో పనిచేసిన రాజమౌళి కుమారుడు కార్తికేయ.. ఎందకంటే..?

0
674

రెండు సంవత్సరాల క్రితం దర్శకుడు రాజమౌళి కుమారుడు కార్తికేయ.. జగపతి బాబు బంధువైన పూజను పెళ్లి చేసుకున్న విషయం తెలిసిందే. దసరా పండుగ నేపథ్యంలో వాళ్లు ఓ ఇంటర్వ్యూలో పలు ఆసక్తికరమైన విషయాలను పంచుకున్నారు. పూజ వృత్తి రీత్యా సింగర్. దాదాపు సంవత్సరం వరకు తాము స్నేహితులుగా ఉన్నామని.. తర్వాత తానే ప్రపోజ్ చేశానని కార్తికేయ అన్నారు.

ఆమె ఒప్పుకోవడంతో 2019 డిసెంబర్ 28 న జైపూర్ ప్యాలెస్ లో పెళ్లి జరిగిందని చెప్పుకొచ్చాడు. పూజ పాటలు అంటే చాలా ఇష్టమని.. తనకు కావాల్సినప్పుడల్లా సాంగ్ పాడుతూ ఉంటుందని కార్తికేయ చెప్పాడు. 10 డిగ్రీల చలిలో తమ పెళ్లి అయిందని చెప్పాడు. సొంతంగా తాను సంపాదించడం కోసం ఐస్‌క్రీమ్‌ పార్లర్‌లో పని చేశానని.. సొంత జీతం ద్వారా వచ్చిన డబ్బులను ఖర్చు చేస్తుంటే ఆ కిక్కే వేరుగా ఉంటుందన్నారు.

పెళ్లి అంటే ట్రస్ట్, లవ్, సెక్యూరిటీ, ఒకరినొకరు అర్థం చేసుకోవాలి అంటూ చెప్పాడు. తన నాన్న రాజమౌళి గురించి మాట్లాడుతూ రోడ్డుపై ట్రాఫిక్ లేకపోయినా.. స్లోగా డ్రైవ్ చేస్తాడని చెప్పాడు. ఇక పూజ మాట్లాడుతూ.. తాను సినిమా వాళ్లను పెళ్లి చేసుకోకూడదని అనుకున్నట్లు చెప్పారు. కానీ కార్తికేయ అడగ్గానే ఆలోచించి ఒప్పుకున్నట్లు చెప్పారు.

సంద్రదాయ సంగీతం నేర్చుకున్నా.. కానీ ప్రస్తుతం ప్రాక్టీస్ లేదని చెప్పింది. ఇక రాజమౌళి గురించి మాట్లాడుతూ.. పెళ్లికి ముందు ఎలా ఉన్నారో.. ఇప్పుడు కూడా అలానే ఉన్నారని.. పది సంవత్సరాల తర్వాత కూడా అలానే ఉంటారని ఆమె అన్నారు. ఆర్‌ఆర్‌ఆర్‌ లో కూడా తన భాగస్వామ్యం ఉందని.. నైట్ షూట్స్ టైంలో తాను అందరికీ ఐస్ క్రీం తెప్పించేదాన్ని అంటూ నవ్వుకుంటూ చెప్పారు.

LEAVE A REPLY

Please enter your comment!
Please enter your name here