చెన్నై: సూపర్ స్టార్ రజనీకాంత్ అభిమానులు ఎంతో ఆసక్తిగా ఎదురుచూస్తున్న కూలీ (Koolie) సినిమా ట్రైలర్లో వినిపించిన “అలేలా పోలెమా” అనే పదానికి ఒక విచిత్రమైన కథ ఉందని సంగీత దర్శకుడు అనిరుధ్ రవిచందర్ వెల్లడించారు. ఇటీవల ఓ ప్రమోషన్ సందర్భంగా ఆయన ఈ ఆసక్తికరమైన విషయాన్ని పంచుకున్నారు. ఈ మ్యూజికల్ ఫ్రేజ్ ఇప్పటికే సోషల్ మీడియాలో బాగా వైరల్ అవుతోంది.
‘అలేలా పోలెమా’ పుట్టుక
“కూలీ మూవీ ట్రైలర్ రెడీ చేస్తున్న సమయంలో, నేను స్టూడియోలో నాకు అనిపించిన కొన్ని రాండమ్ ట్యూన్స్ పాడుతుంటాను. అలాంటి సమయంలోనే ‘అలేలా పోలెమా… అలేలా పోలెమా… అల్లే!’ అని ఓ పదం వచ్చింది” అని అనిరుధ్ వివరించారు. ఈ పదం పూర్తిగా ఆ సమయంలో తన మనసుకు వచ్చిన ఒక ఆలోచన మాత్రమేనని ఆయన చెప్పారు. ఈ బీట్ గురించి దర్శకుడు లోకేష్కు చెప్పగా, అది విని ఆయనకు బాగా నచ్చిందని, ట్రైలర్లో అదే తనకు బెస్ట్ పార్ట్ అని లోకేష్ అన్నారని అనిరుధ్ తెలిపారు.
అయితే, ఈ పదం వెనుక ఉన్న ఆశ్చర్యకరమైన విషయం ఏమిటంటే, ఆ తర్వాత గూగుల్లో దీనికి సంబంధించిన అర్థం కోసం వెతికినప్పుడు, గ్రీకు భాషలో “నేను పోరాటానికి సిద్ధంగా ఉన్నాను” అనే అర్థం వస్తుందని తెలిసిందట. ఇది పూర్తిగా యాదృచ్ఛికంగా జరిగిందని, తనకు గ్రీకు భాష రాదని అనిరుధ్ నవ్వుతూ చెప్పారు.
కూలీ సినిమా విశేషాలు
- కూలీ సినిమా తమిళంలో తెరకెక్కి ఇతర భాషల్లో డబ్ అవుతోంది.
- సూపర్ స్టార్ రజనీకాంత్ ఇందులో కూలీ (దేవా) అనే పాత్రలో కనిపించనున్నారు.
- సినిమాలో నాగార్జున, ఉపేంద్ర, ఆమీర్ ఖాన్, సత్యరాజ్, సౌబిన్ వంటి ప్రముఖ నటులు కీలక పాత్రల్లో నటిస్తున్నారు.
- శ్రుతి హాసన్ కూడా ఇందులో ముఖ్యమైన పాత్రలో నటిస్తున్నారు.
- ఈ సినిమా రేపు (ఆగస్టు 14, 2025) విడుదల కానుంది.
ట్రైలర్లో వచ్చిన “అలేలా పోలెమా” బీట్కు మంచి స్పందన రావడంతో, మూవీ మ్యూజిక్ ఆల్బమ్లో దీనిని ‘MOBSTER’ పేరుతో ప్రత్యేక ట్రాక్గా జోడించారు. అనిరుధ్ రవిచందర్ భవిష్యత్ ప్రాజెక్టులలో శివకార్తికేయన్తో “మధరాసి”, “లవ్ ఇన్సూరెన్స్ కంపెనీ (LIK)”, దళపతి విజయ్తో “జన నాయగన్” వంటి చిత్రాలు ఉన్నాయి.
"When I was working for #Coolie Teaser, I used to go a little crazy & blabbering🙂↔️. When 'AlelaPolema' line came, i sent to Lokesh & he said it's his favourite part❣️. In Greek 'AlelaPolema' means Ready to fight👊"
— AmuthaBharathi (@CinemaWithAB) August 12, 2025
– #Anirudhpic.twitter.com/6k7XYihg4I
