తెలుగు సినిమా ఇండస్ట్రీలో మోహన్ బాబు అంటే ప్రత్యేక పరిచయం అవసరం లేదు. క్రమశిక్షణకు మారుపేరుగా ఉండే మోహన్ బాబు మాటతీరు కఠినంగా ఉంటుందని ప్రచారంలో ఉన్నప్పటికీ ఆయన మనసు మాత్రం ఎంతో మంచిది. సినిమా ఇండస్ట్రీలో మోహన్ బాబు గురించి కొన్ని వార్తలు ప్రచారంలో ఉన్నాయి. అతను మహా కోపిష్టి అని,అతనితో సినిమాలు చేయడానికి ఏ హీరోయిన్లు ముందుకు రారు అనే ప్రచారం అప్పట్లో పెద్ద ఎత్తున జరిగేది.
ఈ క్రమంలోనే అప్పటి నటి సుమలతకి మోహన్ బాబు సరసన నటించే అవకాశం వస్తే ఆమెకు కొందరు స్నేహితులు మోహన్ బాబుతో నటించవద్దని చెప్పారంటూ పెద్ద ఎత్తున వార్తలు వినిపించాయి.అయితే గత కొన్ని రోజుల క్రితం ఓ ఇంటర్వ్యూలో పాల్గొన్న సుమలత ఈ విషయం గురించి ఆసక్తికరమైన వ్యాఖ్యలు చేశారు. మోహన్ బాబుతో సినిమా అవకాశాలు రావడం వల్ల అతనితో కలిసి నటించవద్దని తనకు ఎవరూ చెప్పలేదనే ఈ విషయాన్ని సుమలత ఇంటర్వ్యూ సందర్భంగా వెల్లడించారు.
అదేవిధంగా మోహన్ బాబు గురించి మాట్లాడుతూ నాకు సినిమా ఇండస్ట్రీలో ఉన్న స్నేహితుల లో మోహన్ బాబు కూడా ఒక మంచి స్నేహితుడు అని, ఇండస్ట్రీలో సినిమాలలో నటించక ముందే మోహన్ బాబు తన భర్త అంబరీష్ ఇద్దరూ మంచి స్నేహితులని ఆ విధంగా మోహన్ బాబు వ్యక్తిత్వం నాకు తెలుసు అనే విషయాన్ని ఈ సందర్భంగా సుమలత వెల్లడించారు.
ఇప్పటికి బెంగళూరు నుంచి హైదరాబాద్ వచ్చినప్పుడు తనకు ఏదైనా అవసరమైతే ముందుగా మోహన్ బాబు కి ఫోన్ చేస్తాననే విషయాన్ని కూడా తెలియజేశారు. మా ఇంట్లో ఏదైనా ఫంక్షన్లు జరిగితే అతని కుటుంబం రావడం మోహన్ బాబు ఇంట్లో శుభకార్యాలకు మేము వెళ్లడం జరుగుతుందని మా రెండు కుటుంబాల మధ్య మంచి స్నేహ బంధం ఉందని తెలిపారు.
అంబరీష్ మృతి చెందిన తర్వాత జరిగిన సార్వత్రిక ఎన్నికలలో భాగంగా ఎన్నికల పోటీలోకి దిగిన సుమలత కు ఓటు వేసి గెలిపించాలని ప్రజలను కోరుతూ మోహన్ బాబు ట్వీట్ చేశారంటూ సుమలత మోహన్ బాబు మధ్య ఉన్న స్నేహ బంధం గురించి తెలిపారు. ప్రస్తుతం సుమలత మాండ్య లోక్సభ సభ్యురాలుగా కొనసాగుతున్న సంగతి తెలిసిందే.
