Surekha vani:టాలీవుడ్ ఇండస్ట్రీలో క్యారెక్టర్ ఆర్టిస్ట్ గా ఎంతో మంచి పేరు సంపాదించుకున్న నటి సురేఖ వాణి గురించి ప్రత్యేకంగా చెప్పాల్సిన పనిలేదు. ఈమె ఎన్నో సినిమాలలో తల్లి, పిన్ని, వదిన పాత్రలో నటిస్తూ మంచి గుర్తింపును సంపాదించుకున్నారు. ఇదిలా ఉండగా గత కరోనా లాక్ డౌన్ సమయంలో సురేఖవాణి తన కూతురుతో కలిసి ఇన్స్టాగ్రామ్ ద్వారా ఎన్నో డాన్స్ వీడియోలు చేస్తూ అభిమానులను సందడి చేశారు.
ఇలా ఇన్స్టాగ్రామ్ ద్వారా విపరీతమైన క్రేజ్ దక్కించుకున్న సురేఖవాణి తన కూతురిని కూడా పరిచయం చేసి వీరిద్దరూ సోషల్ మీడియా వేదికగా విపరీతమైన ఫాన్స్ ఫాలోయింగ్ సంపాదించుకున్నారు. ఇకపోతే తాజాగా సురేఖవాణి ఫోన్ నెంబర్ అంటూ ఒక నెంబర్ సోషల్ మీడియాలో చక్కర్లు కొడుతోంది.
ఈ క్రమంలోనే ఫేక్ ఐడి లు క్రియేట్ చేసి ఆ నెంబర్ ద్వారా పలువురి పర్సనల్ డీటెయిల్స్ అడుగుతున్నట్లు సురేఖ వాణి దృష్టికి వెళ్లింది. ఈ క్రమంలోనే అలర్ట్ అయిన సురేఖవాణి వెంటనే ఈ విషయంపై స్పందిస్తూ అభిమానులను అలర్ట్ చేసింది.
ఎలాంటి ఖాతాలు లేవు జాగ్రత్త…
నా పేరు పై కొన్ని ఫేక్ ఐడిలను సృష్టించి చాలామంది వారి పర్సనల్ డీటెయిల్స్ అడుగుతున్నారు. అయితే నాకు ఎలాంటి ఫేస్ బుక్, ట్విట్టర్ ఖాతాలు లేవు ఇవన్నీ కూడా ఫేక్ ఎవరూ కూడా వాటిని నమ్మి డబ్బులను, మీ పర్సనల్ విషయాలను షేర్ చేయకండి అంటూ తన అభిమానులను అలర్ట్ చేశారు. కేవలం తనకు ఇంస్టాగ్రామ్ అకౌంట్ మాత్రమే ఉందని మరోసారి తన అభిమానులకు తెలియజేశారు.
