Mahesh Babu:టాలీవుడ్ సూపర్ స్టార్ మహేష్ బాబు గురించి చెప్పాల్సిన పని లేదు. నటుడుగా ఇండస్ట్రీలో ఎంతో మంచి సక్సెస్ అందుకున్నటువంటి ఈయన ప్రస్తుతం వరుస సినిమాలతో బిజీగా ఉన్నారు.ప్రస్తుతం గుంటూరు కారం సినిమా షూటింగ్ పనులలో మహేష్ ఎంతో బిజీగా ఉన్నారు. ఈ సినిమా తర్వాత ఈయన రాజమౌళి సినిమాతో బిజీ కానున్నారు.
ఇలా నటన పరంగా ఎంతో మంచి సక్సెస్ అందుకున్నటువంటి మహేష్ బాబు కెరియర్ గురించి ఇప్పటివరకు ఎలాంటి నెగటివ్ మార్క్ కూడా వినిపించలేదు అయితే తాజాగా మహేష్ బాబుకు సంబంధించినటువంటి ఒక వార్త సోషల్ మీడియాలో వైరల్ గా మారింది. మహేష్ బాబు ఎలాంటి డైలాగ్స్ అయినా ఎలాంటి సీన్స్ అయినా సింగిల్ టేక్ లోనే పూర్తి చేస్తారు.
ఇలా ఎంత పెద్ద డైలాగ్స్ అయినా ఒకేసారి చెప్పే మహేష్ బాబు ఒక సినిమాలోని చిన్న డైలాగ్ కోసం రెండు గంటల సమయం తీసుకున్నారని తెలుస్తుంది.మరి చిన్న డైలాగ్ కోసం మహేష్ బాబు అంత సమయం తీసుకున్నటువంటి ఆ సినిమా ఏంటి ఆ డైలాగ్ ఏంటి అనే విషయానికి వస్తే… మహేష్ బాబు కొరటాల శివ కాంబినేషన్లో ప్రేక్షకుల ముందుకు వచ్చిన చిత్రం భరత్ అనే నేను. ఈ సినిమా అప్పట్లో ఎలాంటి సంచలనాలను సృష్టించిందో మనకు తెలిసిందే.
Mahesh Babu: భరత్ అనే నేను…
ఇక ఈ సినిమాలో మహేష్ బాబు ఒక ముఖ్యమంత్రి పాత్రలో నటిస్తారు. అయితే ఈయన ముఖ్యమంత్రి అయిన తర్వాత ప్రమాణ స్వీకారం సమయంలో భరత్ అనే నేను అంటూ ప్రమాణస్వీకారం మొదలు పెట్టాల్సి ఉంటుంది. అయితే భరత్ అనే నేను అనే డైలాగ్ చెప్పడం కోసం ఈయన రెండు గంటలు కష్టపడ్డారట.ఈ డైలాగ్ చెప్పడానికి వాయిస్ లో చాలా బేస్ ఉండాలన్న ఉద్దేశంతో ఈయన ఈ డైలాగ్ చెప్పడం కోసం ఏకంగా రెండు గంటల పాటు సమయం తీసుకున్నారని తెలుస్తుంది.
Devara Movie: టాలీవుడ్ యంగ్ హీరో గ్లోబల్ స్టార్ ఎన్టీఆర్ ప్రస్తుతం కొరటాల శివ దర్శకత్వంలో తెరకెక్కుతున్న దేవర సినిమా షూటింగ్ పనులలో ఎంతో బిజీగా ఉన్నారు.ఇలా ఈ సినిమా షూటింగ్ పనులలో ఎంతో బిజీగా ఉన్నటువంటి ఈయన ఎలాగైనా ఈ సినిమాతో మంచి సక్సెస్ అందుకోవాలని కసితో ఉన్నట్టు తెలుస్తుంది.
త్రిబుల్ ఆర్ తో మంచి హిట్ కొట్టిన ఎన్టీఆర్ ఈ సినిమాతో కూడా అదే స్థాయిలో హిట్ అందుకోవాలని ప్రయత్నాలు చేస్తున్నారు. ఇక కొరటాల శివ తన ముందు చిత్రం ఆచార్య ఈ సినిమా భారీ డిజాస్టర్ అయిన సంగతి మనకు తెలిసిందే.ఇలా డిజాస్టర్ డైరెక్టర్ తో ఓ పాన్ ఇండియా హీరో సినిమా చేయడం అంటే మామూలు విషయం కాదు. అందుకే ఈ సినిమా విషయంలో ఎన్టీఆర్ ఎన్నో జాగ్రత్తలు తీసుకుంటున్నారు.
ఈ సినిమాతో కొరటాలపై ఉన్న డిజాస్టర్ మార్క్ తొలగించాలని గట్టి ప్రయత్నాలు చేస్తున్నారట. ఈ విషయాన్ని దృష్టిలో పెట్టుకున్నటువంటి ఎన్టీఆర్ స్క్రిప్ట్ విషయంలో ఎన్నో జాగ్రత్తలు తీసుకున్నారు. ఇక ఈ సినిమా షూటింగ్ సమయంలో కూడా ప్రతి షాట్ ఎన్టీఆర్ చూసి దానిని ఫైనలైజ్ చేయాల్సిందేనట. అలా అని ఎన్టీఆర్ నిర్ణయం ప్రకారమే ఈ సినిమా షూటింగ్ జరుగుతుందని తెలుస్తుంది.
Devara Movie: హిట్ కొట్టడమే లక్ష్యమా….
ఈ సినిమాకు దర్శకుడు కొరటాల శివ అయినప్పటికీ డైరెక్షన్ మొత్తం ఎన్టీఆర్ దేననీ, ఈ సినిమా విషయంలో ఎలాంటి పొరపాట్లు జరగకుండా ఉండటం కోసమే ఎన్టీఆర్ ఇలా చేస్తున్నారని తెలుస్తుంది.ఇక ఈ సినిమా పాన్ ఇండియా స్థాయిలో ప్రేక్షకుల ముందుకు రానున్న నేపథ్యంలో ఈ సినిమాలో విలన్ పాత్రలో బాలీవుడ్ నటుడు సైఫ్ అలీ ఖాన్ నటించిన బోతున్నారు. హీరోయిన్ గా నటి జాన్వి కపూర్ తెలుగు ప్రేక్షకుల ముందుకు రాబోతున్నారు.
Janhvi Kapoor: దివంగత నటి శ్రీదేవి వారసురాలుగా ధడక్ సినిమా ద్వారా ప్రేక్షకుల ముందుకు వచ్చారు నటి జాన్వీ కపూర్. ఇలా బాలీవుడ్ ఇండస్ట్రీలో పలు సినిమాలలో నటిస్తూ ఎంతో బిజీగా ఉన్నటువంటి ఈమె త్వరలోనే ఎన్టీఆర్ హీరోగా నటిస్తున్నటువంటి దేవర సినిమా ద్వారా ప్రేక్షకుల ముందుకు రావడానికి సిద్ధమవుతున్నారు. ప్రస్తుతం ఈ సినిమా శరవేగంగా షూటింగ్ పనులను జరుపుకుంటుంది.
ఈ సినిమా ద్వారా జాన్వీ కపూర్ సౌత్ ప్రేక్షకులకు పరిచయం కాబోతున్నారు.అయితే ఈ సినిమా కోసం తాను ఎంతగా ఎదురు చూశాననే విషయాన్ని ఓ సందర్భంలో ఈమె తెలియజేశారు. తాజాగా బాలీవుడ్ నటుడు వరుణ్ ధావన్ తో కలిసి అభిమానులతో ఈమె చిట్ చాట్ చేశారు. దీంతో అభిమానులు అడిగిన ప్రశ్నలకు సమాధానాలు చెప్పారు.ఓ అభిమాని దేవర సినిమా గురించి ఈమెను ప్రశ్నించారు.
ఈ సందర్భంగా జాన్వీకపూర్ దేవర సినిమా గురించి మాట్లాడుతూ ఈ సినిమాని ప్రకటించినప్పటి నుంచి ఈ సినిమాలో హీరోయిన్ గా నన్ను తీసుకుంటే చాలా బాగుంటుంది అంటూ దాదాపు ఏడాది పాటు దేవుడిని అదే కోరుకున్నానని తెలియజేశారు. అయితే నా కోరిక నెరవేరిందని ప్రస్తుతం తాను ఈ సినిమా షూటింగ్లో పాల్గొంటున్నానని తెలిపారు.
Janhvi Kapoor: నా కోరిక తీరింది…
ఎన్టీఆర్ పక్కన జాన్వి కపూర్ నటించాలని చాలా బలంగా కోరుకున్నారని ఈ సందర్భంగా ఈమె వ్యాఖ్యలను బట్టి చూస్తే అర్థమవుతుంది.కొరటాల శివ దర్శకత్వంలో ఎంతో ప్రతిష్టాత్మకంగా పాన్ ఇండియా స్థాయిలో ప్రేక్షకుల ముందుకు రాబోతున్నటువంటి ఈ సినిమా శరగంగా షూటింగ్ పనులను జరుపుకుంటుంది. అయితే ఈ సినిమా వచ్చే ఏడాది వేసవి సెలవులకు ప్రేక్షకుల ముందుకు రాబోతుందని తెలుస్తోంది.
NTR: సినిమా ఇండస్ట్రీలో కొనసాగే సెలబ్రిటీలు వారి సినిమాల విషయంలో కొన్ని సెంటిమెంట్లను ఫాలో అవుతూ ఉంటారు. ఇలా పలువురు హీరోల సినిమాలలో చాలామంది కొన్ని హిట్ సెంటిమెంట్లను ఫాలో అవుతూ ఉంటారు అయితే ఎన్టీఆర్ విషయంలో కూడా ఇలాంటి ఒక హిట్ సెంటిమెంట్ ఉందని తెలుస్తుంది.ఇండస్ట్రీలో డిజాస్టర్ దర్శకులుగా పేరు సంపాదించుకున్న వారి తదుపరి సినిమాలో కనుక ఎన్టీఆర్ నటిస్తే ఆ సినిమా హిట్ అవుతుందన్న సెంటిమెంట్ ఇండస్ట్రీలో కొనసాగుతుంది.
ఇప్పటికే ఎన్టీఆర్ ఈ విధంగా ఐదుగురు ఫ్లాప్ డైరెక్టర్లకు సినిమా అవకాశాలను ఇచ్చి ఐదు సార్లు బ్లాక్ బస్టర్ అందుకున్నారు. అయితే ప్రస్తుతం కొరటాల శివ కూడా ఆచార్య సినిమాతో డిజాస్టర్ డైరెక్టర్ గా పేరు పొందారు దీంతో ఈయన కొరటాల శివ దర్శకత్వంలో సినిమా చేస్తున్నారు. దీంతో ఈ సినిమా కూడా హిట్ అవుతుందని అభిమానులు చాలా ధీమా వ్యక్తం చేస్తున్నారు.మరి ఎన్టీఆర్ అవకాశం ఇచ్చి బ్లాక్ బస్టర్ కొట్టిన ఐదుగురు ఫ్లాప్ డైరెక్టర్లు ఎవరు అనే విషయానికి వస్తే…
వంశీ పైడిపల్లి మున్నా సినిమాతో డిజాస్టర్ అందుకున్నారు. ఈ సినిమా తర్వాత ఈయన ఎన్టీఆర్ హీరోగా వచ్చిన బృందావనం సినిమా చేశారు. ఈ సినిమా బ్లాక్ బస్టర్ గా నిలిచింది.సుకుమార్ మహేష్ వన్ నేనొక్కడినే సినిమా ద్వారా డిజాస్టర్ అందుకున్నారు. అనంతరం ఎన్టీఆర్ నాన్నకు ప్రేమతో సినిమా అవకాశం కల్పించి హిట్ కొట్టారు. ఇక వరుస ఫ్లాప్ సినిమాలతో ఎంతో ఇబ్బందులలో ఉన్నటువంటి పూరికి టెంపర్ అవకాశమిచ్చి బ్లాక్ బస్టర్ కొట్టారు.
NTR: రిపీట్ కాబోతున్న హిట్ సెంటిమెంట్…
అజ్ఞాతవాసి వంటి సినిమా ద్వారా డిజాస్టర్ టాక్ సొంతం చేసుకున్నటువంటి త్రివిక్రమ్ శ్రీనివాస్ దర్శకత్వంలో ఎన్టీఆర్ అరవింద సమేత సినిమా ద్వారా హిట్ కొట్టారు. ఇక పవన్ కళ్యాణ్ హీరోగా నటించిన సర్దార్ గబ్బర్ సింగ్ సినిమాకు డైరెక్షన్ చేసి డిజాస్టర్ అందుకున్నటువంటి డైరెక్టర్ బాబీకి జై లవకుశ సినిమా అవకాశం ఇచ్చారు. ఈ సినిమా కూడా ఎంతో మంచి సక్సెస్ అందుకుంది.ఈ క్రమంలోనే ఆచార్య డిజాస్టర్ తో బాధపడుతున్నటువంటి కొరటాలకు దేవర అవకాశం ఇచ్చారు. ఈ సినిమా కూడా హిట్టేనని మరోసారి హిట్ సెంటిమెంట్ రిపీట్ కాబోతుందని అభిమానులు భావిస్తున్నారు.
Saipallavi: టాలీవుడ్ ఇండస్ట్రీలో లేడీ పవర్ స్టార్ గా, నేచురల్ బ్యూటీగా ఎంతో పేరు ప్రఖ్యాతలు సంపాదించుకున్నటువంటి సాయి పల్లవి ప్రస్తుతం ఎలాంటి తెలుగు సినిమాలకు గ్రీన్ సిగ్నల్ ఇవ్వలేదు.అయితే ఈమె హీరోయిన్ గా ఎంతో విభిన్నమైన కథ ప్రాధాన్యత ఉన్న సినిమాలను మాత్రమే ఎంపిక చేసుకుంటూ అతి తక్కువ సమయంలోనే ఇండస్ట్రీలో ఎంతో మంచి సక్సెస్ అందుకున్నారు.
ఇలా ఇండస్ట్రీలో సక్సెస్ ఫుల్ హీరోయిన్ గా పేరు సంపాదించుకున్నటువంటి సాయి పల్లవి తెలుగులో చివరిగా విరాటపర్వం అనే సినిమా ద్వారా ప్రేక్షకుల ముందుకు వచ్చారు. ప్రస్తుతం ఈమె కమల్ హాసన్ నిర్మాణంలో హీరో శివ కార్తికేయన్ కి జోడిగా ఓ సినిమాకు గ్రీన్ సిగ్నల్ ఇచ్చినప్పటికీ తెలుగు సినిమాలకు మాత్రం గ్రీన్ సిగ్నల్ ఇవ్వలేదు.
ఇకపోతే సాయి పల్లవి గురించి గత కొంతకాలంగా సోషల్ మీడియాలో ఓ వార్త వైరల్ గా మారింది. ఈమె ఎన్టీఆర్ హీరోగా కొరటాల శివ దర్శకత్వంలో నటిస్తున్న దేవర సినిమాలో ఎన్టీఆర్ కి భార్య పాత్రలో నటించబోతున్నారంటూ వార్తలు వస్తున్నాయి.ఇందులో ఎన్టీఆర్ ద్విపత్రాభినయంలో నటిస్తున్నారని ఎన్టీఆర్ తండ్రి కొడుకుల పాత్రలో కనిపించడంతో తండ్రి పాత్రలో నటిస్తున్నటువంటి ఎన్టీఆర్ కి సాయి పల్లవి భార్యగా నటించబోతున్నారంటూ వార్తలు వచ్చాయి.
Saipallavi: అవన్నీ అవాస్తవాలే…
ఈ విధంగా సాయి పల్లవి గురించి ఇలాంటి వార్తలు వస్తున్నటువంటి తరుణంలో చిత్ర బృందం ఈ వార్తలపై స్పందించి క్లారిటీ ఇచ్చారు.సాయి పల్లవి దేవర సినిమాలో ఎన్టీఆర్ కి భార్య పాత్రలో నటిస్తుంది అంటూ వస్తున్నటువంటి వార్తలలో ఏమాత్రం నిజం లేదని ఈ వార్తలన్ని పూర్తిగా ఆవాస్తవమేనంటూ ఈ వార్తలను కొట్టి పారేశారు. దీంతో సాయి పల్లవి ఎన్టీఆర్ సినిమాలో నటించలేదనే క్లారిటీ వచ్చేసింది.
Here is the Clarification about the rumour of Sai Pallavi would act in #Devara!!
NTR: టాలీవుడ్ ఇండస్ట్రీలో పవర్ స్టార్ పవన్ కళ్యాణ్ కి ఉన్న క్రేజీ ఫాలోయింగ్ గురించి ప్రత్యేకంగా చెప్పనవసరం లేదు. చిన్న పెద్ద అని తేడా లేకుండా ఎంతోమంది పవన్ కళ్యాణ్ కి వీరాభిమానులుగా మారీ ఆయన కోసం ప్రాణాలర్పించడానికి కూడా సిద్ధంగా ఉన్నారు. అయితే పవన్ కళ్యాణ్ కూడా కేవలం సినిమాలలో హీరోగా మాత్రమే కాకుండా నిజ జీవితంలో కూడా ఇతరులకు తన వంతు సహాయ సహకారాలు అందిస్తూ మంచి మనసున్న మనిషిగా అందరి అభిమానాన్ని సొంతం చేసుకున్నాడు.
అంతేకాకుండా రాజకీయాలలో కూడా రాణించటానికి ప్రయత్నాలు చేస్తున్నాడు. ఈ క్రమంలో నష్టపోయిన పేద రైతుల కోసం తాను సంపాదించిన డబ్బుని దానం చేస్తున్నాడు. ఇదిలా ఉండగా కేవలం సాధారణ ప్రేక్షకులే కాకుండా ఎంతో మంది సెలబ్రిటీలు కూడా పవన్ కళ్యాణ్ కి వీరాభిమానులు. ఇదిలా ఉండగా తాజాగా పవన్ కళ్యాణ్ చేసిన పనికి జూనియర్ ఎన్టీఆర్ అభిమానులు పవన్ కళ్యాణ్ కి కృతజ్ఞతలు తెలుపుతున్నారు.
అసలు విషయం ఏమిటంటే.. కొరటాల శివ దర్శకత్వంలో జూనియర్ ఎన్టీఆర్ నటిస్తున్న సినిమా ప్రస్తుతం ఎన్టీఆర్ థర్టీ అనే వర్కింగ్ తో షూటింగ్ పనులు జరుపుకుంటుంది. ఈ సినిమాకి ‘ దేవర ‘ అనే టైటిల్ పెట్టాలని కొరటాల శివ భావించినట్లు తెలుస్తోంది. అయితే పవన్ కళ్యాణ్ సాయి ధరమ్ తేజ్ కలిసిన నటిస్తున్న సినిమాకి కూడా దేవర అనే టైటిల్ పెట్టాలనుకున్నట్లు తెలుస్తోంది.
NTR: తారక్ సినిమాకి పవన్ సాయం..
ఈ క్రమంలో కొరటాల శివ పవన్ కళ్యాణ్ దగ్గరికి వెళ్లి పరిస్థితి మొత్తం వివరించి ఇలా టైటిల్ పెట్టాలనుకున్నట్లు చెప్పిన వెంటనే పవన్ కళ్యాణ్ కూడా అందుకు అంగీకరించి ఎన్టీఆర్ సినిమా కోసం దేవర అనే టైటిల్ ని ఇచ్చేసినట్లు తెలుస్తోంది. దీంతో జూనియర్ ఎన్టీఆర్ కొరటాల శివ కాంబినేషన్లో రూపొందుతున్న సినిమాకి దేవర అనే టైటిల్ కన్ఫామ్ చేసినట్లు తెలుస్తోంది. ఎన్టీఆర్ కోసం పవన్ కళ్యాణ్ ఇలా టైటిల్ ని త్యాగం చేయటంతో ఎన్టీఆర్ అభిమానులు ఆనందం వ్యక్తం చేస్తూ పవన్ కళ్యాణ్ కి కృతజ్ఞతలు తెలుపుతున్నారు.
Koratala Shiva: ఆర్ఆర్ఆర్ తర్వాత ఎన్టీఆర్ హీరోగా కొరటాల శివ దర్శకత్వంలో రూపొందుతున్న చిత్రం ఎన్టీఆర్ 30. ఎంతోకాలంగా ఈ సినిమా కోసం ప్రేక్షకులు ఎదురుచూస్తున్నారు. ఈ సినిమా తరచూ వాయిదా పడుతూ రావటంతో ఆలస్యం అవుతూనే ఉంది. ఇటీవల ఈ సినిమా రెగ్యులర్ షూటింగ్ ప్రారంభం అయ్యింది. అయితే తాజాగా ఈ సినిమా గురించి ఎన్టీఆర్ అభిమానులు కొరటాల శివ మీద ఆగ్రహం వ్యక్తం చేస్తున్నారు.
ఆర్ ఆర్ ఆర్ తర్వాత ఎన్టీఆర్ నటిస్తున్న ఈ సినిమా పాన్ ఇండియా రేంజ్ లో విడుదల చేయటానికి సన్నాహాలు చేస్తున్నారు. అయితే పాన్ ఇండియా రేంజ్ లో తెరకేక్కిస్తున్న సినిమాలలో నటించడానికి గొప్ప గొప్ప నటీనటులను తీసుకోవటానికి దర్శకులు ఆసక్తి చూపుతారు. కానీ కొరటాల మాత్రం వాటికి విరుద్ధంగా సీరియల్ నటీనటులను ఈ సినిమాలో భాగస్వాములను చేస్తున్నట్లు తెలుస్తోంది.
ఎన్టీఆర్ 30 సినిమాలో ప్రముఖ బాలీవుడ్ నటుడు సైఫ్ అలీ ఖాన్ ప్రతి నాయకుడి పాత్రలో నటిస్తున్న సంగతి అందరికీ తెలిసిందే. అయితే సైఫ్ అలీ ఖాన్ కి భార్యగా సీరియల్ నటి చైత్ర నటిస్తున్నట్లు ఆమె ఇటీవల సోషల్ మీడియా ద్వారా వెల్లడించింది..అయితే ఈ విషయం తెలియటంతో ప్రతిష్టాత్మకంగా రూపొందుతున్న ఎన్టీఆర్ 30 లో సీరియల్ నటినటులు ఏమిటా అని అభిమానులు అసహనం వ్యక్తం చేశారు. ఇక తాజాగా మరొక సీరియల్ నటి ఎన్టీఆర్ 30లో నటిస్తున్నట్లు తెలుస్తోంది.
Koratala Shiva: అసలేం చేస్తున్నావ్ కొరటాల…
కొన్ని సినిమాలలో హీరోయిన్గా నటించి ఆ తర్వాత క్యారెక్టర్ ఆర్టిస్ట్ గా సపోర్టింగ్ రోల్స్ లో నటించిన మని చందన ఈ సినిమాలో జాన్వి కపూర్ తల్లి పాత్రలో నటిస్తున్నట్లు వార్త బయటకు వచ్చింది. ప్రస్తుతం ఆమె తెలుగు కన్నడ తమిళ్ భాషలలో సీరియల్స్ లో నటిస్తూ బిజీగా ఉంది. అయితే ఈ వార్త బయటికి రావటంతో నువ్వు సినిమా తీస్తున్నావా? లేక సీరియల్ తీస్తున్నావా? అంటూ ఎన్టీఆర్ అభిమానులు కొరటాలపై విరుచుకుపడుతున్నారు.
Koratala Shiva: తెలుగు చిత్ర పరిశ్రమలో రచయితగా ఎంతో మంచి గుర్తింపు సంపాదించుకున్న కొరటాల శివ అనంతరం మిర్చి సినిమాతో దర్శకుడిగా మారారు. దర్శకుడిగా ఎంతో మంచి పేరు సంపాదించుకున్న ఈయన ఇండస్ట్రీలో అపజయం ఎరుగని దర్శకుడుగా పేరుపొందారు. అయితే ఈయన దర్శకత్వంలో వచ్చిన సినిమాలన్నీ కూడా నిర్మాతలకు మంచి లాభాలను తీసుకువచ్చాయి.
తాజాగా కొరటాల శివ దర్శకత్వంలో వచ్చిన ఆచార్య సినిమా మాత్రం భారీ డిజాస్టర్ గా నిలిచింది. ఎన్నో అంచనాల నడుమ ప్రేక్షకుల ముందుకు వచ్చిన ఈ సినిమా డిజాస్టర్ కావడంతో మెగా అభిమానులు కొరటాల పై తీవ్ర స్థాయిలో మండిపడుతున్నారు. ఇక మెగాస్టార్ చిరంజీవి సైతం తప్పు మొత్తం కొరటాలదే అన్నట్టు వ్యవహరించారు.
ఈ సినిమా ఫ్లాప్ కావడంతో పలుమార్లు చిరంజీవి ఈ సినిమా గురించి మాట్లాడుతూ మేము డైరెక్టర్ చెప్పినట్టే చేశామని ఈ సినిమా ఫెయిల్యూర్ మొత్తం కొరటాలపై వేశారు. అయితే తాజాగా కొరటాల శివ ఈ విషయంపై స్పందిస్తూ మెగాస్టార్ చిరంజీవి కౌంటర్ ఇచ్చారు.డైరెక్టర్ కొరటాల శివతో ఇదివరకు చేసిన నిర్మాతలు ఎవరు కూడా తనని విమర్శించలేదు కానీ చిరు ఇలా విమర్శించేసరికి కొరటాల స్పందించారు.
Koratala Shiva: ఇకనైనా విమర్శలు ఆపాలి…
ఆచార్య సినిమా డిజాస్టర్ కావడంలో తన ఒక్కడి తప్పు మాత్రమే లేదని ఇకపై అయినా ఈ విమర్శలు ఆపడం మంచిది అంటూ ఈయన చిరంజీవికి పరోక్షంగా కౌంటర్ ఇచ్చారు. మరి ఇప్పటికైనా చిరంజీవి ఆచార్య విషయాన్ని వదిలిపెడతారా లేక అలాగే కొరటాలని ఉద్దేశిస్తూ కామెంట్లు చేస్తారా అనే విషయం తెలియాల్సి ఉంది. ఆచార్య సినిమా తర్వాత కొరటాల శివ ఎన్టీఆర్ హీరోగా ఓ సినిమా చేయనున్నట్లు ప్రకటించారు. అయితే ఈ సినిమా ఫిబ్రవరి నెల నుంచి రెగ్యులర్ షూటింగ్ జరుపుకుంటున్నట్టు సమాచారం.
Chiranjeevi: మెగాస్టార్ చిరంజీవి ఏదైనా ఒక మాట మాట్లాడేటప్పుడు ఆ విషయం గురించి పూర్తిగా ఆలోచించి ఆ మాటలను గొంతులో నుంచి కాకుండా గుండెల్లో నుంచి వస్తుందని అందరికీ తెలిసిందే. ఇలా తాజాగా మెగాస్టార్ చిరంజీవి ఫస్ట్ డే ఫస్ట్ షో అనే సినిమా ప్రీ రిలీజ్ వేడుకకు ముఖ్య అతిథిగా హాజరయ్యారు. ఈ కార్యక్రమంలో భాగంగా చిరంజీవి చేసిన కామెంట్స్ ప్రస్తుతం సోషల్ మీడియాలో వైరల్ అవుతున్నాయి.
ఈ కార్యక్రమంలో భాగంగా చిరంజీవి డైరెక్టర్లకు కాస్త చురకలాంటించారు. ఈ సందర్భంగా ఈయన ఇండస్ట్రీలో ఉన్నటువంటి హీరో హీరోయిన్లను దర్శక నిర్మాతలను ఉద్దేశిస్తూ ఆసక్తికరమైన వ్యాఖ్యలు చేశారు.ప్రేక్షకులు ఎప్పుడు కూడా కంటెంట్ ఉన్న సినిమాలనే ఆదరిస్తారు కంటెంట్ లేని సినిమాలను నిర్మొహమాటంగా తిరస్కరిస్తారని వెల్లడించారు.
ఇలా తాను నటించిన ఆచార్య సినిమా కూడా ఇదే కోవకి వస్తుందని ఈయన వెల్లడించారు. నేను కూడా బాధితుడేనని ఈ సందర్భంగా ఈయన ఆచార్య డిజాస్టర్ గురించి ప్రస్తావించారు. తాజాగా ఇండస్ట్రీలో విడుదలయ్యి హిట్ అందుకున్న బింబిసారా, సీతారామం, కార్తికేయ 2 సినిమాల విజయం గురించి ప్రస్తావించారు. ఇక డైరెక్టర్ల గురించి మాట్లాడుతూ దర్శకులు ఎప్పుడు కూడా సినిమా కంటెంట్ పై ఫోకస్ పెట్టాలి కానీ కాంబినేషన్ల మీద, సినిమా రిలీజ్ మీద కాదని సినిమాలో కంటెంట్ లేకపోతే కాంబినేషన్ ఉండి ఏ లాభం అంటూ ఈయన తెలిపారు.
చిత్ర పరిశ్రమ బాగుపడాలంటే అంతా డైరెక్టర్ చేతిలోనే ఉందని ఈ సందర్భంగా చిరంజీవి డైరెక్టర్లకు తనదైన స్టైల్ లో క్లాస్ పీకారు.ఇలా చిరంజీవి డైరెక్టర్లను ఉద్దేశించి చేసిన ఈ కామెంట్స్ ప్రస్తుతం సోషల్ మీడియాలో వైరల్ కావడంతో ఈయన కొరటాల శివని ఉద్దేశించి చేశారని పలువురు భావిస్తున్నారు. ఎన్నో అంచనాల నడుమ విడుదలైన ఆచార్య సినిమా డిజాస్టర్ కావడంతోనే మెగాస్టార్ ఈ విషయాలను ప్రస్తావించారని తెలుస్తోంది.
Pavan Tej: ఇప్పటికే సినిమా ఇండస్ట్రీలోకి పలువురు హీరోలుగా ఎంట్రీ ఇచ్చారు. ఈ క్రమంలోనే ఈ కథలో పాత్రలు కల్పితం అనే సినిమా ద్వారా హీరోగా ఎంట్రీ ఇచ్చారు కొణిదెల పవన్ తేజ్. మెగా వారసులుగా హీరోలు ఇండస్ట్రీలోకి అడుగు పెడుతున్నారంటే ఆ హీరోకి పెద్ద ఎత్తున మెగా కుటుంబం అండ ఉంటుంది. కానీ ఈ హీరోకి మాత్రం మెగా కుటుంబం ఏ మాత్రం మద్దతు తెలుపలేదని తెలుస్తోంది. ఈయన నటించిన ఈ సినిమా ఎలాంటి చప్పుడు లేకుండా వచ్చి వెళ్లిపోయింది.
ఇక ఈ సినిమా తర్వాత తాజాగా కొరటాల శివ దర్శకత్వంలో మెగాస్టార్ చిరంజీవి రామ్ చరణ్ ప్రధాన పాత్రలలో నటించిన ఆచార్య సినిమాలో కూడా ఈయన ఓ పాత్రలో నటించారు. ఈ సినిమా కూడా ఫ్లాప్ కావడంతో ఈయన గురించి పెద్దగా ఎవరికి తెలియదని చెప్పాలి. ఇదిలా ఉండగా తాజాగా పవన్ తేజ్ ప్రముఖ యాంకర్ మేఘనతో ఎంతో ఘనంగా నిశ్చితార్థం జరుపుకున్నట్లు తెలుస్తోంది. ఈ క్రమంలోనే ఈయన నిశ్చితార్థానికి సంబంధించిన ఫోటోలు సోషల్ మీడియాలో వైరల్ అవుతున్నాయి.
ఈ నిశ్చితార్థ వేడుకకు మెగాస్టార్ చిరంజీవి సురేఖ దంపతులు హాజరయ్యారు. అలాగే సాయి ధరమ్ తేజ్ కూడా ఈ వేడుకకు హాజరైనట్టు తెలుస్తోంది. పవన్ తేజ్ సోషల్ మీడియా వేదికగా ఈ ఫోటోలను షేర్ చేస్తూ.. నేను ఆమెను ప్రేమిస్తున్నాను… ప్రేమంటే ఏంటో ఆమె వల్లే నాకు తెలిసింది.మా ఇద్దరి ప్రయాణం ఇప్పుడే మొదలైంది అంటూ ఈయన తన నిశ్చితార్థ ఫోటోలను షేర్ చేశారు.
Pavan Tej: నా జీవితం నీకే సొంతం…
ఇకపోతే యాంకర్ మేఘన సైతం నిశ్చితార్థ ఫోటోలను షేర్ చేస్తూ నా ప్రేమను కనుగొన్నాను, అతనితో నిశ్చితార్థం కూడా జరిగింది.. నా మనసు గాల్లో తేలిపోతుంది అలాగే చేతులు కూడా బరువెక్కాయి.. నా జీవితం మొత్తం నీకే సొంతం అంటూ వీరి నిశ్చితార్థ ఫోటోలను షేర్ చేశారు. ప్రస్తుతం ఈ ఫోటోలు సోషల్ మీడియాలో వైరల్ అవుతున్నాయి.
Top Telugu website in the world | Telugu Gossips | Breaking News Headlines, Latest Andhra News, Telangana News, India News, World News – Telugudesk.net
