Taraka Ratna: నందమూరి తారకరత్న నందమూరి వారసుడుగా ఇండస్ట్రీలోకి అడుగుపెట్టి సుమారు 21 సినిమాలలో నటించారు. అయితే ఈయన నటించిన ఈ సినిమాలలో రెండు మూడు యావరేజ్ హిట్ లు మాత్రమే అందుకున్నాయి. మిగిలిన సినిమాలన్నీ కూడా డిజాస్టర్ కావడంతో ఈయనకు సినిమాలు పెద్దగా కలిసి రాలేదని అందరూ భావించారు.పెద్దపెద్ద బ్యానర్లలో టాప్ డైరెక్టర్ల దర్శకత్వంలో నటించినప్పటికీ ఈయన సినిమాలో సక్సెస్ కాకపోవడంతో క్రమక్రమంగా తారకరత్న ఇండస్ట్రీకి దూరమయ్యారు.
ఇలా ఇండస్ట్రీకి దూరంగా ఉన్నటువంటి ఈ నందమూరి హీరో రాజకీయాలలో రావడానికి ఎంతో ఆసక్తి చూపించారు. ఈ క్రమంలోనే వచ్చే ఎన్నికలలో తెలుగుదేశం పార్టీ తరఫున పోటీ చేయడానికి సిద్ధమైనటువంటి తారకరత్న నారా లోకేష్ ప్రారంభించిన యువగళం పాదయాత్రలో భాగంగా నారా లోకేష్ కు మద్దతు తెలుపుతూ ఉన్నఫలంగా గుండెపోటుకు గురయ్యారు.
ఇలా గుండెపోటుకు గురైన ఈయనని తొలుత కుప్పంలోని ఆసుపత్రికి తరలించి అక్కడి నుంచి బెంగళూరులోని నారాయణ హృదయాలయ ఆస్పత్రికి తరలించారు. అయితే ఈయన హాస్పిటల్లో చేరి వారం రోజులు అవుతున్నప్పటికీ ఇంకా స్పృహలోకి రాలేదని తెలుస్తోంది. సోషల్ మీడియా సమాచారం ప్రకారం ఈయనకు మెరుగైన చికిత్స నిమిత్తం ఎయిర్ అంబులెన్స్ లో విదేశాలకు తరలిస్తున్నారనే వార్తలు కూడా వినపడుతున్నాయి.
Taraka Ratna: వైద్య ఖర్చులను భరిస్తున్న చంద్రబాబు నాయుడు… లోకేష్…
ఇలా మెరుగైన వైద్యం కోసం ప్రముఖ హాస్పిటల్ కు తారకరత్నను తీసుకెళ్లడంతో ఈయన వైద్యం ఖర్చులకు కూడా భారీగానే ఖర్చు చేస్తున్నట్టు సమాచారం. అయితే ఈయనకు వైద్య చికిత్సల కోసం రోజుకు లక్షల్లో ఖర్చవుతుందట. ఇప్పటికే సుమారు 80 లక్షలకు పైగా ఖర్చు చేసినట్టు సమాచారం. అయితే ఈ ఖర్చును మొత్తం చంద్రబాబు నాయుడు నారా లోకేష్ భరిస్తున్నట్లు తెలుస్తోంది.నందమూరి కుటుంబంలో కాస్త వెనుకబడ్డ వారిలో తారకరత్న ఉన్నారు. ఈ క్రమంలోనే నారా లోకేష్ చంద్రబాబు నాయుడు ఈయన వైద్య ఖర్చులను వారే భరించడమే కాకుండా తన భార్య పిల్లలకు అండగా ఉంటామని భరోసా ఇచ్చినట్లు తెలిపారు.
