Karthika Deepam: సాధారణంగా సినిమా ఇండస్ట్రీలో ఒక సినిమా విడుదలకు సిద్ధమయింది అంటే ఆ సినిమాకు సంబంధించి ఎన్నో వేడుకలు జరుపుతూ ఉంటారు. ఇక సినిమా విడుదలకు కొద్ది రోజులు ముందు ఎంతో ఘనంగా ప్రీ రిలీజ్ వేడుకను జరుపుకుంటారనే సంగతి తెలిసిందే. ఇలా సినిమాలకు ఈ విధమైనటువంటి వేడుకలు జరగడం సర్వసాధారణం. కానీ సీరియల్స్ కి ఎప్పుడైనా ఇలా ప్రీ రిలీజ్ వేడుకలు జరగడం చూశారా..
వినడానికి ఆశ్చర్యంగా వింతగా ఉన్న ఇది నిజమే మొట్టమొదటిసారి సీరియల్స్ చరిత్రలోనే ఆ సీరియల్ ప్రసారానికి ముందు ప్రీ రిలీజ్ వేడుకలను నిర్వహిస్తున్నారని తెలిసి అందరూ షాక్ అవుతున్నారు. మరి ఇంత వేడుక చేస్తున్నటువంటి ఆ సీరియల్ మరేది కాదు కార్తీకదీపం ఇది నవ వసంతం అనే సీరియల్ అని చెప్పాలి.
కార్తీకదీపం సీరియల్ ద్వారా డాక్టర్ బాబు వంటలక్కగా ఎంతో పేరు ప్రఖ్యాతలు సంపాదించుకున్నారు. ప్రేమి విశ్వనాథ్ అలాగే నిరుపమ్. ఈ సీరియల్ ద్వారా ఎంతో ఫేమస్ అయినటువంటి వీరిద్దరూ దాదాపు ఈ సీరియల్ 1569 ఎపిసోడ్లను విజయవంతంగా పూర్తి చేసుకొని ఎంతోమంది అభిమానులను సొంతం చేసుకున్నారు.
ముఖ్య అతిథులుగా వంటలక్క డాక్టర్ బాబు..
ఇక ఈ సీరియల్ కి ఉన్నటువంటి క్రేజ్ దృష్టిలో పెట్టుకొని తిరిగి కార్తీకదీపం 2 సీరియల్ ద్వారా ప్రేక్షకుల ముందుకు రావడానికి సిద్ధమయ్యారు. ఈ సీరియల్ స్టార్ మాలో మార్చి 25 వ తేదీ నుంచి ప్రసారం కాబోతున్న నేపథ్యంలో మార్చ్ 21 ప్రసాద్ ల్యాబ్ లో ప్రీ రిలీజ్ వేడుకను నిర్వహిస్తున్నారని తెలిసి అందరూ ఆశ్చర్యపోతున్నారు.
