RRR Movie: రాజమౌళి ఎంతో ప్రతిష్టాత్మకంగా పాన్ ఇండియా స్థాయిలో రామ్ చరణ్, యంగ్ టైగర్ ఎన్టీఆర్ మల్టీస్టారర్ చిత్రంగా అత్యంత భారీ బడ్జెట్ తో డివివి దానయ్య నిర్మాణంలో తెరకెక్కిన చిత్రం ఆర్ఆర్ఆర్. ఈ సినిమా గత ఏడాది విడుదల కావాల్సి ఉండగా ఎన్నో కారణాల వల్ల వాయిదా పడుతూ వచ్చింది.
ఈ క్రమంలోనే ఈ ఏడాది జనవరి 7వ తేదీన సినిమాను విడుదల చేయబోతున్నారని పెద్దఎత్తున సినిమా ప్రమోషన్ కార్యక్రమాలను చేశారు. కేవలం సినిమా ప్రమోషన్ కోసమే 45 కోట్ల మేర ఖర్చు చేసినట్లు తెలుస్తోంది. ఇక విడుదలకు కేవలం వారం రోజులు మాత్రమే ఉందనగా చిత్రబృందం అభిమానులకు షాకింగ్ న్యూస్ చెప్పారు.
కరోనా విజృంభిస్తున్న నేపథ్యంలో ఈ సినిమా వాయిదా వేసినట్లు నిర్మాత అధికారకంగా తెలియజేస్తూ అభిమానులలో నిరాశ కల్పించారు.ఈ క్రమంలోనే విడుదల తేదీని త్వరలోనే ప్రకటిస్తామని తెలియజేసిన చిత్రబృందం నేడు అధికారికంగా ఈ సినిమా విడుదల తేదీని సోషల్ మీడియా వేదికగా తెలియజేశారు.
ఎలాంటి ఆంక్షలు లేని సమయంలోనే విడుదల…
ఈ క్రమంలోనే నిర్మాత డివివి దానయ్య ఈ విషయాన్ని తెలియజేస్తూ ఆర్ఆర్ఆర్ సినిమాని మార్చి 18వ తేదీ విడుదల చేస్తామని ప్రకటించారు. ఒకవేళ ఈ తేదీకి కుదరని పక్షంలో ఈ సినిమాను ఏప్రిల్ 28వ తేదీకి విడుదల చేస్తామని అప్పటికీ కరోనా పూర్తిస్థాయిలో తగ్గి థియేటర్లపై ఎలాంటి ఆంక్షలు ఉండవని చిత్ర బృందం భావిస్తున్నారు.ఈ క్రమంలోనే ఈ 2 తేదీలలో ఈ సినిమా తప్పకుండా ప్రేక్షకుల ముందుకు వస్తుందని నిర్మాత తెలియచేసారు.
#RRRMovie on March 18th 2022 or April 28th 2022. ???????? pic.twitter.com/Vbydxi6yqo
— RRR Movie (@RRRMovie) January 21, 2022
