Ticket For One Rupee: సాధారణంగా ఒక వ్యక్తి సినిమా చూడాలి అంటే సాధారణ థియేటర్లలో టికెట్టుకు 200 పోను మిగతా ఖర్చులు కలిపి ఒక 500 వరకు వస్తాయి. అదే మల్టీప్లెక్స్ లో సినిమా చూడాలంటే కేవలం టికెట్ కోసం మాత్రమే 500 రూపాయలు ఖర్చు చేయాల్సి ఉంటుంది. ఇలా 500 రూపాయలు పెట్టి సినిమా చూడటం సామాన్య ప్రేక్షకుడికి చాలా భారంగా మారుతుంది.
ఇలా ఏ విధమైనటువంటి భారం లేకుండా మల్టీప్లెక్స్ లో ఒక్క రూపాయికి సినిమా చూసే అవకాశాన్ని ప్రముఖ మల్టీప్లెక్స్ థియేటర్ కల్పించింది. అయితే ఇంత అద్భుతమైన అవకాశాన్ని ఎక్కడ కల్పించారు ఏంటి అనే విషయానికి వస్తే… ఈ అద్భుతమైన అవకాశం మరి ఎక్కడో కాదు మన హైదరాబాద్ లోనే ఈ అవకాశాన్ని కల్పించారు.
హైదరాబాద్ లోని మౌలాలిలో మూవీ మ్యాక్స్ AMR పేరుతో ఓ మల్టీప్లెక్స్ ను ఏర్పాటు చేశారు. ఈ మల్టీప్లెక్స్ నేడు ఎంతో ఘనంగా ప్రారంభం అయింది ఇలా కార్యక్రమంలో భాగంగా యాజమాన్యం కేవలం ఒక్క రూపాయికి మాత్రమే ప్రేక్షకులకు సినిమా చూసే అవకాశాన్ని ఈరోజు మాత్రమే కల్పించారు.
Ticket For One Rupee: ఈ ఒక్కరోజు మాత్రమే అవకాశం..
ఇలా ఒక్క రూపాయి టికెట్ తో ఈరోజు ఈ మల్టీప్లెక్స్ లో సినిమా చూసే అవకాశాన్ని పొందవచ్చు. ఇక ఈ మల్టీప్లెక్స్ లో ఏకంగా 11 సినిమాలను ప్రదర్శితం చేయనున్నట్లు యాజమాన్యం వెల్లడించారు. కుటుంబంతో కలిసి మల్టీప్లెక్స్ లో సినిమా చూడాలనుకునే వారికి ఇదొక అద్భుతమైన అవకాశం అని ఈ అవకాశాన్ని సద్వినియోగం చేసుకోవాలని మల్టీప్లెక్స్ యాజమాన్యం వెల్లడించారు.
