Balakrishna: నందమూరి బాలకృష్ణ సినీ కెరియర్ లో ఎన్నో అద్భుతమైన సినిమాలను చేసి ప్రేక్షకుల ముందుకు వచ్చారు. ఇలా బాలయ్య నటించిన సినిమాలలో ప్రేమ కథ చిత్రాలతో పాటు పౌరాణిక సినిమాలు కుటుంబ కథ నేపథ్యం ఉన్న చిత్రాలతో పాటు యాక్షన్ సినిమాలో కూడా ఉన్నాయని చెప్పాలి. ఈ విధంగా బాలయ్య సినీ కెరీర్లో మొట్టమొదటి యాక్షన్ చిత్రం సమరసింహారెడ్డి.
డైరెక్టర్ బి గోపాల్ దర్శకత్వంలో బాలకృష్ణ సిమ్రాన్ అంజలా జవేరి హీరో హీరోయిన్లుగా నటించిన ఈ చిత్రం అప్పట్లో సెన్సేషనల్ బ్లాక్ బస్టర్ హిట్ అయింది. ఈ సినిమాలో బాలయ్య ద్విపాత్రాభినయంలో నటించారు. ఇక మణిశర్మ అందించిన సంగీతం సినిమాకు హైలైట్ అని చెప్పాలి. ఈ సినిమా ఆరు కోట్ల బడ్జెట్ తో తెరకెక్కగా అప్పట్లోనే 15 కోట్ల బిజినెస్ చేసే సంచలనం సృష్టించింది.
ఇలా ఇండస్ట్రీలోనే మొట్టమొదటి యాక్షన్ మూవీగా ఎంతో మంచి సక్సెస్ అందుకున్న ఈ సినిమా ఎన్నో థియేటర్లలో శత దినోత్సవ వేడుకలను జరుపుకుంది. ఇదిలా ఉండగా తాజాగా ఈ సినిమాకు సంబంధించి ఒక వార్త వైరల్ అవుతుంది. నిజానికి ఈ సినిమా కథ బాలయ్య కోసం రాసుకున్నది కాదట ఈ సినిమా కథతో డైరెక్టర్ బి గోపాల్ విక్టరీ వెంకటేష్ వద్దకు వెళ్లారట.
వెంకటేష్ ఫస్ట్ ఛాయిస్..
ఈ సినిమా కథ వెంకటేష్ కు చాలా బాగా నచ్చినప్పటికీ ఆయన మాత్రం ఈ సినిమాని రిజెక్ట్ చేశారట. ఇలాంటి సినిమాల్లో తాను నటిస్తే పెద్దగా సూట్ అవ్వని అందుకే ఈ సినిమాని రిజెక్ట్ చేసినట్లు తెలుస్తోంది. ఇలా వెంకటేష్ ఈ సినిమాని రిజెక్ట్ చేయడంతో సరాసరి గోపాల్ బాలయ్య వద్దకు వెళ్లారు. అలా బాలయ్య సమరసింహారెడ్డి సినిమాలో భాగమై సెన్సేషనల్ బ్లాక్ బాస్టర్ అందుకున్నారు అనంతరం వెంకటేష్ జయం మనదేరా సినిమా ద్వారా ప్రేక్షకుల ముందుకు వచ్చి మరో యాక్షన్ మూవీ ద్వారా సక్సెస్ అందుకున్నారు.
