Jr NTR: యంగ్ టైగర్ ఎన్టీఆర్ కు హైదరాబాద్ జూబ్లీహిల్స్ ట్రాఫిక్ పోలీసుల నుంచి ఊహించని చేదు సంఘటన ఎదురయింది. జూబ్లీహిల్స్ ట్రాఫిక్ ఎస్ఐ ముత్తు ఆధ్వర్యంలో గత రెండు రోజులుగా జూబ్లీహిల్స్ చెక్ పోస్ట్ వద్ద పెద్దఎత్తున వాహనాలను తనిఖీలు చేస్తున్నారు.
ఈ తనిఖీల్లో భాగంగా వాహనాలకు ఉన్నటువంటి బ్లాక్ సీలింగ్, నలుపు తెరలు ఉన్న కార్లను ఆపి నలుపు తెరలను తీసేసి పంపిస్తున్నారు. ఈ క్రమంలోనే అటుగా వెళ్తున్నటువంటి యంగ్ టైగర్ ఎన్టీఆర్ కారును కూడా ఆపి పోలీసులు సోదాలు నిర్వహించారు. అయితే ఆ సమయంలో ఆ కారులో ఎన్టీఆర్ కుమారుడితో పాటు మరో ఇద్దరు వ్యక్తులు ఉన్నట్లు తెలుస్తోంది.
ఇక ఆ కారులో ఉన్న వ్యక్తులు ఎంత చెప్పిన పోలీసులు అతని మాటలు వినకుండా వారి డ్యూటీ వారు నిర్వహించారు. జూనియర్ ఎన్టీఆర్ కారుకు బ్లాక్ ఫిలిం ఉండటంతో పోలీసులు ఆ కారుకు ఉన్న బ్లాక్ ఫిలిం తొలగించి పంపించారు. ఈ విధంగా ట్రాఫిక్ పోలీసులు ఎన్టీఆర్ కారు పట్ల బాధ్యతగా వ్యవహరించడంతో ఈ విషయం కాస్త సోషల్ మీడియాలో వైరల్ గా మారింది.
90 వాహనాల పై కేసు నమోదు…
గత రెండు రోజుల నుంచి జూబ్లీహిల్స్ చెక్ పోస్ట్ ప్రాంతంలో పెద్ద ఎత్తున ఈ విధమైనటువంటి తనిఖీలు నిర్వహిస్తున్నారు.ఈ ఒక్కరోజులోనే 90 వాహనాలపై ట్రాఫిక్ పోలీసులు కేసు నమోదు చేశారు. ఇకపోతే ఎన్టీఆర్ ప్రస్తుతం RRR సినిమా ప్రమోషన్ కార్యక్రమాలలో బిజీగా ఉన్నారు. ఈ సినిమా ఈ నెల 25వ తేదీ విడుదల కావడంతో ఎన్టీఆర్ సినిమా ప్రమోషన్ కార్యక్రమాలతో బిజీగా ఉన్నారు.
