Sudhakar: తెలుగు సినీ ఇండస్ట్రీలో కమెడియన్ గా ఎంతో మంచి సక్సెస్ అందుకున్న వారిలో సుధాకర్ ఒకరు. ఈయన ఈ జనరేషన్ వారికి కూడా ఎంతో సపరిచితమే. ఇలా సుధాకర్ తెలుగు చిత్ర పరిశ్రమలో కమెడియన్ అయినప్పటికీ తమిళ చిత్ర పరిశ్రమలో మాత్రం ఒకానొక సమయంలో సూపర్ స్టార్ రజినీకాంత్ కంటే కూడా ఎంతో క్రేజ్ సొంతం చేసుకున్న హీరోగా చలామణి అయ్యారు.
అక్కడ ఈయనకు విపరీతమైన క్రేజ్ ఉండటమే కాకుండా ఈయన సినిమాలు కూడా సూపర్ హిట్ కావడంతో కొంతమంది తమిళ హీరోలు ఈయనపై కక్ష కట్టి తనకు సినిమా అవకాశాలు రాకుండా చేసి ఇండస్ట్రీ నుంచి పంపించారనే వాదన ఇప్పటికీ ఉంది. ఇలా తమిళ చిత్ర పరిశ్రమలో ఈయన క్రమక్రమంగా అవకాశాలు కోల్పోవడంతో తెలుగు సినిమా ఇండస్ట్రీకి వచ్చారు.
ఇక తెలుగు చిత్ర పరిశ్రమలో హీరోగా ఈయనకు అవకాశాలు రాకపోవడంతో కమెడియన్ గా మారి స్టార్ కమెడియన్ గా పేరు ప్రఖ్యాతలు సొంతం చేసుకున్నారు. ఇక సుధాకర్ తమిళ చిత్ర పరిశ్రమలో హీరోగా కొనసాగుతున్న సమయంలో ఈయనతో నటించడం కోసం ఎంతో మంది హీరోయిన్లు పోటీపడేవారు అంతేకాకుండా తనని పెళ్లి చేసుకోవాలని ఇద్దరు స్టార్ హీరోయిన్లు పోటీపడ్డారని తెలుస్తోంది.
ఇక ఒక హీరోయిన్ అయితే ఏకంగా మీడియా ముందుకు వచ్చి ఆయన వేరే అమ్మాయిని పెళ్లి చేసుకోవడంతో తన బాధ మొత్తం బయటపెట్టారు. ఇలా సుధాకర్ వేరే అమ్మాయిని పెళ్లి చేసుకోవడంతో నటి జయచిత్ర ఎంతో బాధపడ్డారు. వీరిద్దరి కాంబినేషన్లో అప్పట్లో సూపర్ హిట్ సినిమాలు ప్రేక్షకుల ముందుకు వచ్చాయి.
జయచిత్ర, రాధిక..
ఇక సుధాకర్ ను పెళ్లి చేసుకోవాలని భావించిన మరో హీరోయిన్ ఎవరో కాదు నటి రాధిక. రాధిక సైతం సుధాకర్ తో కలిసి ఎన్నో బ్లాక్ బస్టర్ సినిమాలలో నటించారు. దీంతో వీరిద్దరి మధ్య ప్రేమ వ్యవహారం నడుస్తోందని అప్పట్లో వార్తలు రావడమే కాకుండా ఈమె తనని పెళ్లి చేసుకోవాలని కూడా భావించినట్లు వార్తలు వచ్చాయి. ఇలా ఈ ఇద్దరు సెలబ్రిటీలు సుధాకర్ కోసం పోటీ పడ్డారని తెలిసి ఇప్పటి ప్రేక్షకులు షాక్ అవుతున్నారు.
