Upasana: మెగా వారసుడు రామ్ చరణ్ తండ్రి కాబోతున్న విషయం అందరికీ తెలిసిందే. ప్రస్తుతం రామ్ చరణ్ భార్య ఉపాసన గర్భంతో ఉంది. రామ్ చరణ్ ఉపాసన పెళ్లి జరిగిన పది సంవత్సరాలకు వారు తల్లిదండ్రులు కాబోతున్నట్లు గతేడాది డిసెంబర్ లో ప్రకటించారు. దీంతో మెగా అభిమానులు ఆనందానికి అవధులు లేకుండా పోయాయి.
మెగా వారసుడు ఎప్పుడెప్పుడు ఈ లోకంలోకి వస్తాడా అని మెగా కుటుంబ సభ్యులతో పాటు అభిమానులు కూడా ఎంతో ఆత్రుతగా ఎదురుచూస్తున్నారు. ఇదిలా ఉండగా ఉపాసన బేబీ షవర్ వేడుకలు చిరంజీవి నివాసంలో ఘనంగా జరిగాయి. ఈ వేడుకలలో కుటుంబసభ్యులతో పాటు పలువురు సెలబ్రిటీలు కూడా హాజరయ్యారు. ఇక ఇటీవల జరిగిన ఉపాసన బేబీ షవర్ వేడుకలలో అల్లు అర్జున్ సందడి చేశాడు. దీంతో ఈ ఫోటోలు ప్రస్తుతం సోషల్ మీడియాలో వైరల్ అవుతున్నాయి.
ఇదిలా ఉండగా గత కొంతకాలంగా మెగా కుటుంబానికి అల్లు కుటుంబానికి మధ్య విభేదాలు ఉన్నాయని వార్తలు వినిపిస్తున్నాయి. ఈ క్రమంలోనే ఇటీవల రామ్ చరణ్ పుట్టినరోజు నాడు అల్లు అర్జున్ శుభాకాంక్షలు కూడా చెప్పలేదని వార్తలు వినిపించాయి. అయితే ఇప్పుడు ఈ ఒక్క ఫోటోతో అల్లు, మెగా కుటుంబాల మధ్య ఎటువంటి విభేదాలు లేవని స్పష్టం అయ్యింది.
Upasana: విభేదాలకు చెక్ పెట్టిన బన్నీ…
ఉపాసన బేబీ షవర్ వేడుకలలో పాల్గొన్న అల్లు అర్జున్ ఉపాసనతో కలిసి దిగిన ఫోటోలని సోషల్ మీడియాలో షేర్ చేస్తూ.. రామ్ చరణ్ ఉపాసన దంపతులకు శుభాకాంక్షలు తెలియజేశాడు. ప్రస్తుతం ఈ ఫోటోలు సోషల్ మీడియాలో వైరల్ అవుతుండగా మెగా అభిమానులు ఆనందం వ్యక్తం చేస్తున్నారు. ఇదిలా ఉండగా ప్రస్తుతం అల్లు అర్జున్ పుష్ప 2 సినిమా షూటింగ్ పనులతో బిజీగా ఉంటే..శంకర్ దర్శకత్వంలో రూపొందుతున్న ‘గేమ్ ఛేంజర్’ సినిమా షూటింగ్ పనులతో రామ్ చరణ్ బిజీగా ఉన్నాడు.
