Rashmika: వేణు స్వామి గత కొంతకాలం నుంచి సోషల్ మీడియా వార్తల్లో నిలుస్తున్నారు గతంలో నాగచైతన్య సమంత పెళ్లి చేసుకుంటే విడిపోతారని చెప్పారు. అయితే ఈయన చెప్పిన విధంగానే వారిద్దరు విడిపోవడంతో ఈయన ఒక్కసారిగా పాపులర్ అయ్యారు. ఇక అప్పటినుంచి వేణు స్వామి తరచూ సినిమా ఇండస్ట్రీకి సంబంధించిన వారి జాతకాలు చెబుతూ వార్తల్లో నిలుస్తున్నారు.
ఇదిలా ఉండగా వేణు స్వామి రష్మిక గురించి పలు ఆసక్తికరమైన వ్యాఖ్యలు చేశారు. ఈ సందర్భంగా ఈయన మాట్లాడుతూ రష్మిక, రక్షిత్ శెట్టి నిశ్చితార్థం జరిగిన తర్వాత వారి జాతకాలు పరిశీలించగా వారిద్దరు పెళ్లి చేసుకోవడం మంచిది కాదని తెలిసింది.అందుకే రష్మికకు రక్షిత్ శెట్టి నుంచి విడిపోతేనే తన జీవితం బాగుంటుందని తాను సూచించినట్లు వేణు స్వామి తెలిపారు.
ఇకపోతే రష్మిక తాను చెప్పిన విధంగానే రక్షిత్ శెట్టితో తన వివాహాన్ని రద్దు చేసుకుందని అలాగే వీరి వివాహం రద్దు అయిన తర్వాత హైదరాబాదులో రష్మిక ఇంట్లో పూజలు చేశానని ఈయన వెల్లడించారు. ఈ పూజలు అనంతరం రష్మిక ఇండస్ట్రీలో వరుస సినిమా అవకాశాలతో అగ్రతారగా నిలబడింది అంటూ వేణు స్వామి రష్మిక గురించి పలు ఆసక్తికరమైన విషయాలు వెల్లడించారు.
సెలబ్రిటీల జాతకాలు చెబుతూ వార్తల్లో నిలిచిన వేణు స్వామి….
ఈ విధంగా రష్మిక గురించి వేణు స్వామి చేసిన ఈ వ్యాఖ్యలు వైరల్ అవుతున్నాయి. ఇకపోతే రష్మిక 2024 వరకు తన సినీ కెరియర్ అద్భుతంగా ఉంటుందని, ఈమె అత్యధిక రెమ్యూనరేషన్ తీసుకుంటూ ఇండస్ట్రీలో దూసుకుపోతుందని వేణు స్వామి తెలిపారు. ఇకపోతే నయనతార రష్మిక రకుల్ సమంతతో పాటు ప్రభాస్ జాతకాలు చెబుతూ వార్తల్లో నిలిచారు. ప్రస్తుతం రష్మిక గురించి ఈయన చేసిన ఈ వ్యాఖ్యలు నెట్టింట్లో చక్కర్లు కొడుతున్నాయి.
