Vijay Sethupathi: విజయ్ సేతుపతి పరిచయం అవసరం లేని పేరు. నటుడుగా ఇండస్ట్రీలో ఎంతో మంచి సక్సెస్ అందుకున్న ఈయన ప్రస్తుతం తమిళంతో పాటు తెలుగు హిందీ భాష చిత్రాలలో నటిస్తూ కెరియర్ పరంగా ఎంతో బిజీగా ఉన్నారు. ఇలా నటుడిగా ఇండస్ట్రీలో వరుస సినిమాలలో నటిస్తున్న విజయ్ సేతుపతి జూన్ 14వ తేదీ మహారాజా అనే సినిమా ద్వారా ప్రేక్షకుల ముందుకు రాబోతున్నారు.
ఇక ఈ సినిమా తెలుగులో కూడా విడుదల కానున్న నేపథ్యంలో పెద్ద ఎత్తున తెలుగులో కూడా ప్రమోషన్ కార్యక్రమాలను నిర్వహిస్తున్నారు. ఈ సినిమా ప్రమోషన్ కార్యక్రమాలలో భాగంగా విజయ్ సేతుపతి వరుస ఇంటర్వ్యూలలో పాల్గొనడమే కాకుండా ఉప్పెన సినిమా గురించి ఎన్నో విషయాలను వెల్లడించారు.
ఉప్పెన సినిమాలో హీరోయిన్ కృతి శెట్టికి తండ్రిగా నటించాను. దీంతో ఆమెతో కలిసి తాను రొమాన్స్ చేయలేనని అలాంటి సినిమా అవకాశాలు వస్తే నేను సినిమా నుంచి తప్పకుండా అని కూడా ఈయన వెల్లడించారు. ఇలా నటుడిగా కొనసాగుతున్నటువంటి ఈయన తండ్రి పాత్రలో నటించడానికి గల కారణం ఏంటి అనే ప్రశ్న ఇటీవల ఒక ఇంటర్వ్యూ సందర్భంగా ఎదురయింది.
బుచ్చిబాబు కోసమే..
ఈ ప్రశ్నకు విజయ్ సేతుపతి సమాధానం చెబుతూ.. తాను ఉప్పెన సినిమాలో నటించిన కారణం కేవలం డైరెక్టర్ బుచ్చిబాబు మాత్రమేనని తెలిపారు. కేవలం ఆయనకు ఉన్న ఫ్యాషన్ చూసి ఈ సినిమాలో నటించాను అది కూడా చాలా తక్కువ రెమ్యూనరేషన్ కి నటించానని తెలిపారు. నిజానికి నాలాంటి యాక్టర్స్ ఇలాంటి సినిమాలలో నటించడానికి వెనుకడుగు వేస్తారు. నేను బుచ్చి బాబుకు సినిమాపై ఉన్న ఫ్యాషన్ తోనే ఈ సినిమా చేశానని తెలిపారు.
