ప్రత్యేక పండుగలు.. ఏదైనా ముఖ్యమైన రోజులు ఉంటే దానికి సంబంధించి సినిమాలు టీవీల్లో టెలికాస్ట్ అవుతూ ఉంటాయి. ఆ రోజు ప్రాధాన్యతను బట్టి సినిమాలు వస్తుంటాయి. ఇలా పాత సినిమాలు అయినా ప్రేక్షకులు వాటిని ఆదరిస్తుంటారు. ఇలాంటిదే నేడు వినాయక చవితి సందర్భంగా ‘శ్రీ వినాయక విజయం’ సినిమాను టీవీల్లో ప్రసారం చేస్తున్నారు.
ప్రతీ వినాయక చవితికి క్రమం తప్పకుండా ఈ సినిమా టీవీలో వస్తూనే ఉంటుంది. 1979 లో విడుదలైన ఈ సినమాలో కృష్ణంరాజు, వాణిశ్రీలు శివపార్వతులుగా నటించారు. అంతేకాకుండా అందులో వినాయకుడి గెటప్ లో నటించింది.. బేబీ లక్ష్మి సుధా. ఈమె బాల గణేషుడిగా అలరించింది. తర్వాత ఏనుగు ముఖంతో ఆమె ప్రతీ ఒక్కరినీ ఆకట్టుకుంది. పెద్దయ్యాక వినాయకుడి గెటప్లో నటించింది ఎంజీవీ మదన్గోపాల్ అనే ఆర్టిస్ట్. అయితే అతడి గురించి ప్రస్తుతం గూగుల్ లో తెగ వెతుకుతున్నారు.
అతడు ఎవరు.. ప్రస్తుతం ఏం చేస్తున్నారనే విషయాలను సెర్చ్ చేస్తున్నారు. కనీసం ఫొటో అయినా చూడాలని తెగ ఆరాటపడ్డారు. కానీ దానికి సంబంధించి ఎలాంటి సమాచారం తెలియరాలేదు. ఇలా నెటిజన్లు ఆ వివరాల కోసం వెతకడంతో ఆ సినిమా ప్రస్తుతం వైరల్ గా మారింది.
అటు సోషల్ మీడియాలో కూడా ఆ సినిమా గురించి విషయాలను షేర్ చేస్తూ ఉన్నారు. దీంతో మళ్లీ తెరపైకి ‘శ్రీ వినాయక విజయం’ వైరల్ గా మారింది. అందులో ఎవరవయ్యా.. ఎవరవయ్యా అంటూ సాగే గానం.. ఈ పండగ రోజున ప్రతీ ఇళ్లల్లో మారు మోగిపోతోంది.
