మనం ఏదైనా దుకాణానికి వెళ్లినప్పుడు గుడ్లు తీసుకురావాలంటే ఎంతో జాగ్రత్తగా తీసుకొస్తాం. ఎందుకంటే ఆ గుడ్లు ఎక్కడ పగులుతాయో అనే భయం ఉంటుంది. ఇలా గుడ్ల విషయంలో చాలా జగ్రత్తగా వ్యవహరిస్తుంటాం. అలాంటిది ఓ వ్యక్తి 735 గుడ్లను కేవలం తన టోపీపై ఉంచుకొని అవి పగలకుండా నడిచి అందరినీ ఆశ్చర్యానికి గురిచేశాడు.
ఏంటి నమ్మడం లేదా.. నిజమేనండి బాబు.. పూర్తి వివరాల్లోకి వెళ్తే.. పశ్చిమ ఆఫ్రికాలోని కేప్ టౌన్కు చెందిన గ్రెగరీ దా సిల్వా అనే వ్యక్తి ఇటువంటి సాహసాలు ఎన్నో చేశాడు. అందుకే అతడిని చాలామంది ఎగ్ మ్యాన్ అనే పేరు పెట్టారు. ప్రపంచం అంతా తిరిగి తన ట్యాలెంట్ ను చూపించేవాడట. అంతేకాకుండా పలు టెలివిజన్ కార్యక్రమాల్లో ఇలా ప్రదర్శనలు చేయడంతో తక్కువ కాలంలోనే ఎక్కువ పాపులారిటీ తెచ్చుకున్నాడు.
తాజాగా అతడు తన టోపీకి మూడు రోజుల పాటు 735 గుడ్లను అతికించి.. ఆ టోపీని తలపై పెట్టుకున్నాడు. బ్యాలెన్స్ చేస్తూ.. ఒక్క గుడ్డు కూడా పగలకుండా వావ్ అనిపించాడు. దీంతో ప్రపంచంలోనే సింగిల్ టోపీపై ఇన్ని గుడ్లను పెట్టుకొని నడిచిన మొదటి వ్యక్తిగా గిన్నిస్ రికార్డు నెలకొల్పాడు.
ఇది చైనాలోని సీసీ చానల్ నిర్వహించిన స్పెషల్ షో లో ఈ ఫీట్ సాధించాడు. ప్రస్తుతం అతడు చేసిన ఈ ఫీట్ కు సంబంధించిన వీడియో సోషల్ మీడియాలో వైరల్ అవుతోంది. నెటిజన్లు చాలామంది ఆశ్చర్యపోతూ వివిధ రకాలుగా కామెంట్లు పెడుతున్నారు.
