Yatra 2 : దివంగత నేత వైఎస్ రాజశేఖర్ రెడ్డి పాదయాత్ర చేసి సీఎం అయ్యారు. ఆయన జీవితం ఆధారంగా తెరకెక్కిన సినిమా ‘యాత్ర’. పోయినసారి ఎలక్షన్ టైంలో ఆ సినిమా వచ్చి ఎన్నికల్లో జగన్ కి ఎంతో కొంత ఉపయోగపడిందని చెప్పొచ్చు. తాజాగా యాత్ర సినిమాకి కొనసాగింపుగా వస్తోన్న ‘యాత్ర 2, ది రైజ్ అఫ్ ది లీడర్’ సినిమాకి సంబంధించిన అప్ డేట్ విడుదల చేసింది చిత్ర బృందం.
అచ్చు భారతి లాంటి అమ్మాయినే పట్టుకొచ్చిన డైరెక్టర్…
ఇప్పటివరకు రామ్ గోపాల్ వర్మకే ఉన్న క్రెడిట్ ఇపుడు డైరెక్టర్ మాహి.వి.రాఘవ కి వచ్చింది. బయోపిక్ తీసేటపుడు సేమ్ తో సేమ్ ఉండే మనుషులను రామ గోపాల్ వర్మ పట్టుకొచ్చి జనాలను ఆశ్చర్య పరుస్తుంటాడు. అలానే ఇపుడు డైరెక్టర్ మహి.వి.రాఘవ కూడా అచ్చం ఆంధ్ర సీఎం జగన్ మోహన్ రెడ్డి భార్య భారతి లాగే ఉన్న అమ్మాయిని యాత్ర సినిమా కోసం తీసుకోచ్చి అందరికీ సర్ప్రైజ్ ఇచ్చాడు.
యాత్ర 2 సినిమా రాజశేఖర్ రెడ్డి మరణం తరువాత జగన్ రాజకీయ ప్రస్థానం గురించి వస్తోన్న సినిమా. ఇందులో అయన భార్య భారతి గారి పాత్ర కీలకంగా ఉండనుంది. అందుకే భారతి గారి లాగే ఉన్న కేతకి నారాయణ్ అనే బ్యూటీని ఈ సినిమా కోసం తీసుకున్నారు. రెండు భాగాలుగా రాబోతున్న ఈ సినిమా వచ్చే ఏడాది ఫిబ్రవరిలో థియేటర్స్ లోకి రానుంది. ఇక ఈ సినిమాను త్రి ఆటమ్ లీవ్స్, వీ సెల్యూలాయిడ్, శివ మేక సంయుక్తంగా నిర్మిస్తున్నారు.
