మనిషికి ఆవలింపులు రావడం సర్వసాధారణమే. ఈ విధంగా మనిషికి తరచూ ఆవలింపు వస్తుంది అంటే ఆ వ్యక్తి పూర్తిగా అలసిపోయాడనీ, అతనికి విశ్రాంతి ఎంతో అవసరం అని చెప్పడానికి ఆవలింపు ఒక సంకేతంగా భావిస్తాము. అయితే ఆవలింపులు నిద్ర సమయంలో కూడా ఎక్కువగా వస్తున్నాయంటే మీరు మీ గుండె ఆరోగ్యం గురించి ఆలోచించాలని నిపుణులు చెబుతున్నారు.
ప్రస్తుత కాలంలో చిన్నవయసు వారి నుంచి ముసలివారి వరకు గుండె సమస్యలు వెంటాడుతున్నాయి.కొందరికి ఉన్నఫలంగా హార్ట్ స్ట్రోక్ రావడం జరుగుతుంది. ఈ విధంగా ఒక వ్యక్తిలో గుండె సమస్యలు రావడానికి ఎన్నో కారణాలు ఉంటాయి. గుండె కండరాలకు రక్తసరఫరా సరిగా అందని పక్షంలో ఈ విధంగా ఛాతిలో నొప్పి రావడం జరుగుతుంది. కొందరిలో నడిచిన, మెట్లెక్కిన తీవ్ర ఆయాసంతో బాధపడుతూ ఛాతిలో నొప్పి కలిగి ఉంటారు.
ఈ విధంగా గుండె సమస్యలు రావడానికి అనేక కారణాలు ఉంటాయి. ఈ కారణాలలో ఒకటే ఆవలింపు అని కూడా చెప్పవచ్చు. ఒక వ్యక్తిలో మితిమీరిన ఆవలింపు వస్తున్నాయంటే ఆవలింపు వేగస్ నాడి పై ప్రభావాన్ని చూపుతాయి. ఈ నాడి మన మెదడు నుంచి ఉదర భాగం వరకు ఉంటుంది. కొన్ని సందర్భాలలో గుండె చుట్టూ అధిక రక్తస్రావం ఉన్నప్పుడు ఆవలింపు లు వస్తే వెంటనే చాతిలో నొప్పి కలుగుతుంది. దీనినే గుండె నొప్పికి సంకేతంగా వైద్యులు భావిస్తారు.
ముఖ్యంగా వేడి ఎక్కువగా ఉన్న రోజులలో, వ్యాయామం చేస్తున్న సమయంలో అధికంగా ఆవలింపు వస్తే అది గుండె జబ్బులకు కారణమవుతుందని నిపుణులు అభిప్రాయం వ్యక్తం చేశారు.ఈ విధమైనటువంటి సమస్యతో బాధపడే వారు వెంటనే వైద్యుని సంప్రదించి సరైన చికిత్స చేయించుకోవాలని నిపుణులు తెలియజేస్తున్నారు.
