Sharwanand: శర్వానంద్ పరిచయం అవసరం లేని పేరు ఈయన క్యారెక్టర్ ఆర్టిస్టుగా స్టార్ హీరోలకు తమ్ముడి పాత్రలలో నటిస్తూ ఉన్నారు అనంతరం హీరోగా అవకాశాలు అందుకున్న శర్వానంద్ ప్రస్తుతం హిట్టు ఫ్లాపులతో సంబంధం లేకుండా వరుస సినిమాలలో నటిస్తూ కెరియర్ పరంగా ఎంతో బిజీగా ఉన్నారు. ఇక చాలా రోజుల తర్వాత ఈయన మనమే అనే సినిమా ద్వారా నేడు ప్రేక్షకుల ముందుకు వచ్చారు.
ఈ సినిమా నేడు విడుదల అయింది శ్రీరామ్ ఆదిత్య దర్శకత్వంలో పీపుల్ మీడియా ఫ్యాక్టరీలో తెరకెక్కిన ఈ చిత్రం నేడు విడుదల అయింది. అయితే ఇటీవల ఈ సినిమాకు సంబంధించి ప్రీ రిలీజ్ వేడుకలను కూడా ఎంతో ఘనంగా నిర్వహించారు. అయితే ఈ కార్యక్రమంలో నిర్మాత విశ్వప్రసాద్ శర్వానంద్ కి ఒక స్టార్ ట్యాగ్ ఇచ్చారు. ఆ ట్యాగ్ ఇప్పుడు వైరల్ గా మారింది.
ఈ కార్యక్రమంలో ఆయన మాట్లాడుతూ శర్వానంద్ కు ఛార్మింగ్ స్టార్ అనే ట్యాగ్ ఇచ్చారు.చార్మింగ్ స్టార్ అనే టైటిల్ లోగో అక్కడ స్క్రీన్ పై ప్లే చేసి మరి చూపించారు . దీంతో శర్వానంద్ ఫ్యాన్స్ అరుపులు కేకలతో స్టేడియం దద్దరిల్లిపోయింది. ఇలా నిర్మాత తనకు సరికొత్త ట్యాగ్ ఇవ్వడంతో శర్వానంద్ సంతోషం వ్యక్తం చేయడమే కాకుండా ఓ ఆసక్తికరమైన విషయాన్ని కూడా పంచుకున్నారు.
చార్మింగ్ స్టార్..
ఈ సందర్భంగా శర్వానంద్ మాట్లాడుతూ ముందుగా తనకు ఇలాంటి ట్యాగ్ ఇచ్చినందుకు నిర్మాత టీజీ విశ్వప్రసాద్ కు కృతజ్ఞతలు తెలిపారు. అదే విధంగా తాను మహానుభావుడు సినిమా చేసే సమయంలోనే డైరెక్టర్ మారుతి తనకు పేరు ముందు ఏదో ఒక ట్యాగ్ పెట్టుకోమని సలహా ఇచ్చారు. కానీ నాకు పెద్దగా ఇంట్రెస్ట్ లేకపోవడంతో పట్టించుకోలేదని ఈ సందర్భంగా అప్పటి సంఘటనలను గుర్తు చేసుకున్నారు.
