About Karan Johar Parties : కరణ్ జోహార్ ఇప్పటికే దర్శకుడిగా పలు విజయవంతమైన సినిమాలను ప్రేక్షకులకు అందించారు. తన తండ్రి స్థాపించిన ధర్మ ప్రొడక్షన్స్ నిర్మాణ సంస్థ నుంచి ఇప్పటికే విజయవంతమైన పలు చిత్రాలను నిర్మించి బాలీవుడ్ లో బడా ప్రొడ్యూసర్ గా కొనసాగుతున్నారు. అలాగే బాలీవుడ్ లో సెలబ్రిటీల పిల్లలను ఇండస్ట్రీకి పరిచయం చేయాలంటే గుర్తొచ్చే మొదటి ఆప్షన్ కరణ్, అంతలా బాలీవుడ్ లో కొనసాగుతున్నారు. ఇక కరణ్ జోహార్ ఇచ్చే పార్టీలు అంటే ఇండస్ట్రీలో సెలబ్రిటీలు అందరూ అక్కడే వాలిపోతారు, ఆ రేంజ్ లో ఆయన పార్టీలు ఉంటాయి. ఇక తాజాగా కరణ్ తన 50వ పుట్టినరోజును ఘనంగా జరుపుకున్నారు.
హ్యాంగ్ ఓవర్ పోవడం లేదు…..
కరణ్ జోహార్ తన 50వ పుట్టినరోజు వేడుకలను ఘనంగా జాతుపుకున్నారు. ఈ వేడుకకు బాలీవుడ్ సెలబ్రిటీలతో పాటు, మన సౌత్ సెలబ్రిటీలు కూడా మెరిశారు. మామూలుగానే కరణ్ పార్టీలకు పెట్టింది పేరు. ఇక తన పుట్టినరోజు వేడుకలో స్టార్స్ అందరూ తెగ సందడి చేశారు. ఈ పార్టీలో అక్షయ్ భార్య అయిన బాలీవుడ్ నటి ట్వింకల్ ఖన్నా కూడా పాల్గొన్నారు. ఈక్రమంలోనే కరణ్ పార్టీలకు సంబంధించి ఆసక్తికరమైన పోస్ట్ సోషల్ మీడియా వేదికగా పంచుకున్నారు.
ఈ పార్టీలో హాజరు అయిన ట్వింకిల్ ఖన్నా ఫుల్లుగా ఎంజాయ్ చేస్తూ బాగా డ్రింక్ చేశారు. అర్ధ రాత్రి వరకు ఇలా కరణ్ బర్తడే పార్టీలో పెద్ద ఎత్తున రచ్చ చేసిన ఈమెకు మరుసటి రోజు కూడా హ్యాంగోవర్ పోవడం లేదని అందుకే ఇలాంటి పార్టీలు ఇచ్చినందుకు కరణ్ ని బ్యాన్ చేయాలి అంటూ ఒక పోస్ట్ ని సోషల్ మీడియా వేదికగా చేశారు. ఇక ఈపోస్ట్ పై స్పందిస్తున్న నెటిజన్లు తమదైన శైలిలో కామెంట్లు కూడా చేస్తున్నారు. కరణ్ పార్టీకి పిలవగానే వెళ్లిపోవడమేనా.. నీకు కూడా ఒక లిమిట్ ఉండాలి కదా అంటూ నెటిజన్లు కామెంట్లు సందిస్తున్నారు.
