అక్టోబర్ 3వ తేదీ ముంబై నుంచి గోవా వెళ్తున్నటువంటి క్రూజర్ షిప్ రేవ్ పార్టీలో ఆర్యన్ ఖాన్ డ్రగ్స్ తీసుకున్నట్లు భావించి అధికారులు తనని అరెస్ట్ చేశారు. ఈ క్రమంలోనే నాలుగు వారాల నుంచి అధికారుల కస్టడీలో ఉన్నటువంటి ఆర్యన్ ఖాన్ బెయిల్ కోసం షారుక్ ఎన్నో ప్రయత్నాలు చేశారు. ఈ క్రమంలోనే అతని బెయిల్ పిటిషన్ ను కోర్టు తిరస్కరించింది.
దీంతో దేశంలోనే పేరు మోసిన లాయర్ ను రంగంలోకి దింపి ముంబై హైకోర్టు బెయిల్ పిటిషన్ ను దాఖలు చేశాడు.దీంతో గురువారం విచారణలో భాగంగా వాదోపవాదనలు విన్న అనంతరం ముంబై హైకోర్ట్ ఆర్యన్ ఖాన్ కి బెయిల్ మంజూరు చేసింది.
అయితే ఆర్యన్ ఖాన్ శుక్రవారం విడుదల కావాల్సి ఉండగా బెయిల్ పేపర్స్ కి సంబంధించిన ఫార్మాలిటీస్ శుక్రవారం గడువు ముగిసేలోగా పూర్తి కానందున శనివారం విడుదల అయ్యారు. ఆర్యన్ విడుదల కావడంతో ఆర్థర్ జైలు వద్దకు షారుక్ ఖాన్ ఆయన అభిమానులు పెద్ద ఎత్తున చేరుకొని వెల్కమ్ హోమ్ ఆర్యన్ అనే ప్ల కార్డులను పట్టుకున్నారు.
ఈ క్రమంలోని ఆర్యన్ విడుదల కావడంతో జైలు పరిసర ప్రాంతాలలో పెద్ద ఎత్తున పోలీసు బలగాలు మోహరించాయి. గురువారం జరిగిన విచారణలో భాగంగా బెయిల్ ప్రక్రియను పూర్తి చేయడానికి బాలీవుడ్ నటి జూహీ చావ్లా కీలక పాత్ర పోషించారు ఆర్యన్ పూచికత్తు బాధ్యతలను తనపై వేసుకుని లక్ష రూపాయల బాండ్ పై సంతకం పెట్టారు. ఇక నేడు ఉదయం ఆర్యన్ బెయిల్ ప్రక్రియ పూర్తి కావడంతో అతను జైలు నుంచి విడుదలయ్యారు.
