Balakrishna: నందమూరి నటసింహం బాలకృష్ణ గురించి ప్రత్యేకంగా చెప్పాల్సిన పనిలేదు. వరుస సినిమాలు టాక్ షోలతో ఎంతో బిజీగా గడుపుతున్న బాలయ్య సినీ కెరియర్ లోనే కాకుండా వ్యక్తిగత జీవితంలో కూడా ఎంతో మనసున్న వ్యక్తిగా పేరు ప్రఖ్యాతలు పొందారు. ఆయన మాట కాస్త కటువుగా ఉన్నప్పటికీ మనసు మాత్రం వెన్న. ఏ విషయం నైనా ముక్కుసూటిగా మాట్లాడే వ్యక్తిత్వం ఉన్నటువంటి బాలకృష్ణ వ్యక్తిత్వం గురించి ఇదివరకే ఎంతోమంది వెల్లడించారు.
ఇకపోతే అఖండ సినిమాతో బ్లాక్ బస్టర్ అందుకున్న బాలకృష్ణ ప్రస్తుతం వరుస సినిమాలతో ఎంతో బిజీగా ఉన్నారు. ఇకపోతే బాలకృష్ణ తన సినీ కెరియర్లో ఇప్పటివరకు ఎప్పుడూ కూడా కమర్షియల్ యాడ్ చేయడానికి ఇష్టపడలేదు. తన 40 ఏళ్ల సినీ కెరియర్ లో మొదటిసారి బాలకృష్ణ సాయి ప్రియ కన్స్ట్రక్షన్స్ కోసం బ్రాండ్ అంబాసిడర్ గా వ్యవహరిస్తున్నారు.
ఈ క్రమంలోనే ఈ యాడ్ కు సంబంధించిన షూటింగ్ కూడా పూర్తి అయినట్టు తెలుస్తోంది. ఇక మొదటిసారి బాలకృష్ణ ఇలా బ్రాండ్ అంబాసిడర్ గా వ్యవహరించడంతో ఈ యాడ్ కోసం బాలయ్య తీసుకున్న రెమ్యూనరేషన్ గురించి ప్రస్తుతం హాట్ టాపిక్ గా మారింది.బాలకృష్ణ సాయి ప్రియ కన్స్ట్రక్షన్స్ అంబాసిడర్ గా వ్యవహరించడం కోసం ఏకంగా 16 కోట్ల రూపాయల రెమ్యూనరేషన్ తీసుకున్నట్టు సమాచారం.
Balakrishna: మరోసారి మంచి మనసు చాటుకున్న బాలయ్య..
ఈ క్రమంలోనే ఈ యాడ్ కోసం బాలయ్య అందుకున్న ఈ రెమ్యూనరేషన్ తాను తన అవసరాలకు కాకుండా బసవతారకం క్యాన్సర్ హాస్పిటల్ కు డొనేట్ చేయమని చెప్పారట.ఈ విధంగా బాలయ్య చెప్పడంతో షాక్ అయినటువంటి సాయి ప్రియ కన్స్ట్రక్షన్స్ మరో ఒక కోటి రూపాయలు అదనంగా రెమ్యూనరేషన్ ప్రకటిస్తూ బసవతారకం హాస్పిటల్ కు అందజేశారు. అయితే ఈ విషయాన్ని బాలయ్య ఎక్కడ చెప్పుకోలేదు. ఈ విధంగా ఆయన చేసిన ఈ యాడ్ ద్వారా వచ్చిన డబ్బులను ప్రజల క్షేమం కోసమే ఉపయోగించారని తెలియడంతో బాలయ్య మంచి మనసు పై ప్రశంసలు కురిపిస్తున్నారు.
