హీరోయిన్ భూమిక.. పేరు చెప్పగానే వెంటనే గుర్తుకు వచ్చే సినిమాలు ఖుషి, ఒక్కడు. ఈ సినిమాలతో ఆమెకు ఎక్కువగా పాలపులారిటీ సాధించుకున్నారు. కొన్ని సంవత్సరాల వరకు స్టార్ హీరోయిన్ గా ఆమె తెలుగు సినీ పరిశ్రమలో ఓ ఎత్తు ఎదిగారు.
అయితే ప్రస్తుతం భూమిక.. వదిన, అక్క, చెల్లి, తల్లి వంటి పాత్రలకే పరిమితం అయింది. వాటిలో కూడా తనదైన శైలిలో రాణిస్తున్నారు. ఇలా సీనియర్ హీరోయిన్లు ఎంతో మంది టాలీవుడ్ కు రీ ఎంట్రీ ఇచ్చిన తర్వాత.. సెకండ్ ఇన్నింగ్స్ లో ఎక్కువగా తల్లి, అక్క పాత్రలను పోషిస్తున్నారు. నదియా దగ్గర నుంచి భాగ్య శ్రీ వరకు ఇలానే ఉన్నారు.
అయితే భూమిక విషయానికి వస్తే.. హీరోయిన్ గా రాణించినప్పుడు ఆమెకు బాగానే ఆఫర్లు వచ్చినా.. సెకండ్ ఇన్నింగ్స్ లో చిన్నా చితకా పాత్రలు పోషిస్తున్నా చెప్పుకునే అంత పేరు రావడం లేదు. దీనికి గల కారణం కూడా లేకపోలేదు. ఎందుకంటే.. ఆమె ఎక్కువగా సెలబ్రిటీలతో కలవదు. ఎక్కువగా పార్టీలకు వెళ్లదని.. ఇలా ఆమెకు సర్కిల్ లేకపోవడంతోనే ఇలా జరుగుతుందని.. కొన్ని కామెంట్లు వస్తున్నాయి.
దీనిపై ఆమె స్పందించారు. పార్టీలకు వెళ్తేనే దర్శకనిర్మాతలు ఆఫర్లు ఇస్తారా.. లేకపోతే సినిమాల్లో అవకాశాలు రావా.. అలాంటి మాటలు తాను ఎంకరేజ్ చేయనని ఘాటుగా స్పందించారు. తన కోసం పాత్రలు రాసి.. తనకోసం వెతుక్కుంటే వచ్చే మేకర్స్ చాలా మంది ఉన్నారంటూ ఆమె ఓ ఇంటర్వ్యూలో చెప్పుకొచ్చింది. ప్రస్తుతం ఆమె మాటలు వైరల్ గా మారాయి.
