బిగ్ బాస్ కంటెస్టెంట్ శ్వేతా వర్మ గురించి ప్రత్యేకంగా చెప్పనక్కర్లేదు. ఈమె ఎవరు ఊహించని విధంగా బిగ్ బాస్ హౌస్ నుంచి ఐదు వారాలకు ఎలిమినేట్ అయ్యి అనూహ్యంగా బయటకు వచ్చేసింది. అయితే శ్వేతా వర్మ బిగ్ బాస్ టాప్ ఫైవ్ లిస్ట్ లో కచ్చితంగా ఉంటుందని అనుకున్నారు.ఈ షో ద్వారా శ్వేతా వర్మ కొంత ఫేమ్ రాబట్టుకుంది.
పలు సినిమాలు,సిరీస్ లలో నటించినా రాని గుర్తింపు, బిగ్ బాస్ షో ద్వారా దక్కింది. బిగ్ బాస్ హౌస్ నుంచి బయటకు వచ్చిన తర్వాత శ్వేతా వర్మ పలు ఇంటర్వ్యూలలో పాల్గొంది.ఈ క్రమంలోనే
తాజాగా ఒక ఇంటర్వ్యూలో శ్వేతా వర్మ మాట్లాడుతూ.. కాస్టింగ్ కౌచ్ పై పలు ఆసక్తికర కామెంట్స్ ను చేసింది. ఇండస్ట్రీలో ఈ కాస్టింగ్ కౌచ్ విషయం ఎప్పటినుంచో కలకలం సృష్టిస్తున్న విషయం తెలిసిందే.
ఇప్పటికే ఎంతోమంది క్యారెక్టర్ ఆర్టిస్టులు, హీరోయిన్లు పలు సందర్భాలలో వాళ్లకు గురైన చేదు అనుభవాల గురించి పంచుకున్నారు. శ్వేతా వర్మ కూడా తనకు ఎదురైన ఒక చేదు అనుభవం గురించి తెలిపింది. నాతో చాలా మంది అసభ్యకరంగా మాట్లాడేవారిని.. ఛాన్స్ ఇస్తాం కమిట్మెంట్ ఇస్తారా అని అడిగే వారని అని చెప్పుకొచ్చింది.అంతే కాకుండా పారితోషికం ఎంతైనా ఇస్తాం మాకు సహకరిస్తే చాలు అనేవారట.ఆ సమయంలో వారు మాట్లాడే మాటలు ఆమెకు అర్థం కాలేదట.
ఆ తరువాత సహకరించడం అంటే వేరే అర్థాలు ఉంటాయి అని తెలుసుకున్నాను అంటూ ఆమె చెప్పుకొచ్చింది. అలా ఒక వ్యక్తి ఆమెకు ఫోన్ చేసి ఒక యాడ్ షూటింగ్ ఉంది,రెమ్యూనరేషన్ లక్ష రూపాయల వరకు ఇస్తాం కాని వారికీ సహకరించాలని అడిగారు శ్వేతా వర్మ చెప్పుకొచ్చింది. అప్పుడు ఆమె కోపంతో లక్ష రూపాయలు ఇస్తే నన్ను కమిట్మెంట్ అవమంటున్నారు. మరి నేను ఎత్తైన బిల్డింగ్ మీద నుంచి దూకమంటాను దూకుతారా అని ప్రశ్నించడంతో అవతలి వ్యక్తి సైలెంట్ అయ్యాడట. ఇలా తనకు జరిగిన చేదు అనుభవం గురించి శ్వేతా వర్మ తెలియజేశారు.
