Actor Nagesh Karra: ప్రముఖ టీవీ నటుడిగా పలు సీరియల్స్ లో నటించి మంచి గుర్తింపు సంపాదించుకున్న నాగేష్ కర్ర పలు సినిమాలలో కూడా నటించి మెప్పించారు. ఈ క్రమంలోనే ఈయన తాజాగా ఆచార్య సినిమాలో కూడా నటించిన సంగతి మనకు తెలిసిందే. ఈ క్రమంలోనే నాగేష్ ఒక ఇంటర్వ్యూలో పాల్గొని తన సినీ ప్రస్థానం గురించి పలు ఆసక్తికరమైన వ్యాఖ్యలు చేశారు.
ఈ సందర్భంగా ఆయన మాట్లాడుతూ ఆచార్య సినిమాలో తనకు మంచి పాత్ర ఇచ్చారని ఆ పాత్రలో నటించిన తర్వాత ఇదివరకు సినిమాలలో నన్ను రిజెక్ట్ చేసిన వారు కూడా ఫోన్ చేసి చాలా అద్భుతంగా నటించారు అంటూ మెచ్చుకున్నారని నాగేష్ వెల్లడించారు. ఇక ఈయన వెండితెరపై బుల్లితెరపై కూడా నటించారు. రెండింటిలో ఏది గొప్ప అంటే దేని ప్రాధాన్యత దానికి ఉంటుందని నాగేష్ తెలిపారు.
ఇక మీరు ఇప్పటివరకు ఎన్నో సినిమాల్లో నటించారు. ఆచార్య సినిమాలో ఎంతోమంది జబర్దస్త్ కమెడియన్స్, కాజల్ వంటి వాళ్ళు నటించిన చివరికి ఆ పాత్రను తీసేసారు. అలా మీకు కూడా ఎప్పుడైనా ఇలా జరిగిందా అనే ప్రశ్న ఎదురైంది.
ఇక ఈ ప్రశ్నకు ఆయన సమాధానం చెబుతూ…
సాధారణంగా సినిమాలో సినిమాకు అవసరమయ్యే పాత్రలను తప్పనిసరిగా పెడతారు. వారికి అనవసరం అనుకుంటే ఆ క్యారెక్టర్స్ అన్నింటిని తీసేయడం సర్వసాధారణం. తనకు కూడా ఇలాంటి అనుభవం ఎదురైందని ఈ సందర్భంగా నాగేశ్ వెల్లడించారు. ఒక సినిమాలో బ్రహ్మానందంతో కలిసి నా పాత్ర చాలా పెద్ద ట్రాక్ అని, అందులో బ్రహ్మానందం గారు ఒక కంపెనీ సీఈఓ అయితే, ఆయనకు సపోర్టింగ్ క్యారెక్టర్ లో నేను నటించాను. అయితే ఈ సినిమాలో ప్రొడ్యూసర్ కి బ్రహ్మానందానికి గొడవ ఉండటంవల్ల ఆయన ట్రాక్ మొత్తం లేపేసారు. అందులో నా పాత్ర కూడా పోయిందని ఈ సందర్భంగా నాగేష్ సినిమాల గురించి వెల్లడించారు.
