Bombay High Court: ఒక్క వివాదాస్పద తీర్పు ఆ న్యాయమూర్తి కెరీర్ నే ప్రశ్నార్థకంగా చేసింది. తాజాగా తను రాజీనామా చేసింది. గతంలో కీలకమైన లైంగిక దాడి కేసులో తీర్పు వెల్లడించింది. ఈ తీర్పుపై గతంలో పెద్ద ఎత్తున విమర్శలు వచ్చాయి.
గతంలో బాంబే హైకోర్ట్ నాగ్ పూర్ బేంచ్ అదనపు న్యాయమూర్తిగా పనిచేస్తున్న జస్టిస్ పుష్ప గనేడివాలా రాజీనామా చేయడం సంచలనంగా మారింది. ఆమె రాజీనామా చేసిన వెంటనే ఆమోదం పొందింది.
గతంలో లైంగిక దాడి కేసులో.. మైనర్ చేతులు పట్టుకోవడం, బట్టలను నిమరడం, ప్యాంట్ జిప్ విప్పడం వంటివి లైంగిక దాడి కిందకు రావంటూ తీర్పు చెప్పింది. లైంగిక కోరకలతో శరీరాన్ని తాకుతూ.. శరీరాన్ని పట్టుకుంటేనే.. పోక్సో యాక్ట్ కిందికి వస్తుందని ఆమె తీర్పు చెప్పింది. అయితే ఈ తీర్పును ఇటీవల బాంబే హైకోర్ట్ కొట్టేసింది.
దాంతో తిరిగి సెషన్స్ న్యాయమూర్తిగా..
వాస్తవానికి ఈ తీర్పు కన్నా మందే శాశ్వత న్యాయమూర్తితా నియమించాలనే సిఫార్సు ఉంది. 2021 ఫిబ్రవరిలో ఆమె ఇచ్చిన తీర్పు వివాదస్పదం కావడంతో సుప్రీం కోర్ట్ ఈ సిఫార్సులను వెనక్కి తీసుకుంది. ఏడాది పాటు అదనపు న్యాయమూర్తిగానే కొనసాగింది. ఈ గడువు మొన్నటితోనే ముగిసింది. తిరిగిపొడగించలేదు. దాంతో తిరిగి సెషన్స్ న్యాయమూర్తిగా పనిచేయాల్సి వచ్చేది. ఈ కారణంతోనే జస్టిస్ పుష్ప రాజీనామా చేసినట్లు తెలుస్తోంది. అయితే గతంలో ఇచ్చిన తీర్పు వల్లేనే జస్టిస్ పుష్ప కెరీర్ ఒడిదుడుకులకు లోనైందని అంతా అనుకుంటున్నారు. ఒక్క వివాదాస్పద తీర్పు ఆమె కెరీర్ నే ప్రశ్నార్థకంగా మార్చింది.
