Deepthi Sunaina: తెలుగు బిగ్ బాస్ మొదలై 5 సీజన్లు పూర్తి చేసుకున్నాయి. ఇప్పటి వరకు ఎవరి పర్సనల్ లైఫ్ లో కూడా ఇలాంటి ఘటనలు చోటు చేసుకోలేదు. మొదటి సారి హౌస్ లో జరిగిన వ్యవహారాల కారణంగా రెండు జంటలు బయట ఇబ్బందులకు గురవుతున్నారు. అందులో ఓ జంట విడిపోయే వరకు వచ్చింది.
టైటిల్ ఫేవరేట్ గా సీజన్ 5 లో హౌస్ లోకి అడుగు పెట్టిన షణ్ముఖ్ జశ్వంత్.. సిరితో స్నేహాన్ని సాగించాడు. ఈ స్నేహం కాస్త.. రొమాన్స్ గా మారిపోయింది. సిరి- షన్నూల ఎపిసోడ్స్ సీజన్ కే హైలెట్ గా నిలిచిపోయింది. కిస్సింగులు, హగ్గింగులతో హౌస్ అంతా రచ్చ రచ్చ చేసేశారు. దీంతో వాళ్లు కావాలని అలా చేయకున్నా.. బయట జనాలు మాత్రం వేరే విధంగా తీసుకున్నారు.
దీంతో షణ్ముఖ్ లవర్ దీప్తిపై ఒత్తిడి పెరిగిపోయింది. షణ్ణు ఇలా చేస్తున్నాడేంటి..అని ఆమెను పరోక్షంగా సన్నిహితులు, స్నేహితులు అడగడం మొదలు పెట్డడంతో చాలా ఇబ్బందిగా ఫీల్ అయింది. దీంతో కొత్త సంవత్సరం రోజున ఆమె తన ఇన్ స్టా వేదికగా.. తాము ఇద్దరం విడిపోతున్నాం అంటూ ఓ పోస్టు పెట్టింది. .
ఎవరి గురించి పట్టించుకోను.. దీప్తి
దీంతో ఫ్యాన్స్ అంతా షాక్ అయ్యారు. తర్వాత కొన్ని గంటలకే షణ్ముఖ్ కూడా.. అది ఆమె డెసిషన్.. ఎవరి ఇష్టం వాళ్లది అన్నట్లు మరో పోస్టు పెట్డాడు. దీంతో ఇద్దరు అధికారికంగా.. ఇష్టంగానే విడిపోతున్నట్లు అందరికీ అర్థం అయిపోయింది. దీంతో మరో సారి దీప్తి ఇన్ స్టా లైవ్ లోకి వచ్చి.. తమ అభిమానులతో ఆమె బాధలను పంచుకుంది. నా లైఫ్ లో తాను ముందుకు వెళ్లాలని అనుకుంటున్నాను. ఎవరి గురించి ఆలోచించాల్సిన అవసరం లేదు. అంటూ కన్నీళ్లు పెట్టుకుంది. మొదటి సారి ఆమె ఇన్ స్టా లైవ్ లోకి వచ్చి.. భావోద్వేగానికి గురయ్యారు. దీంతో ఫ్యాన్స్ ఆమెను కామెంట్ల రూపంలో ఓదార్చే పని చేశారు. ప్రస్తుతం ఈ వీడియో వైరల్ గా మారింది.
