బెల్లంకొండ సురేష్ నిర్మాతగా ఎంతో మందికి సుపరిచితం. అతడు ఎన్నో హిట్ సినిమాలను అందించాడు. అయితే కొన్ని సంవత్సరాల క్రితం తన కొడుకు బెల్లంకొండ శ్రీనివాస్ ను సినీ పరిశ్రమకు పరిచయం చేసిన విషయం తెలిసిదే. 2014 సంవత్సరంలో విడుదల అయిన అల్లుడు శ్రీను సినిమాతో హీరోగా తెలుగు పరిశ్రమకు పరిచయమయ్యాడు.
ఆ సినిమాతోనే తన కంటూ మంచి గుర్తింపు తెచ్చుకోవడంతో పాటు ఉత్తమ తొలి చిత్ర నటుడిగా ఫిలిం ఫేర్ అవార్డు (సౌత్)ను కూడా పొందాడు. తర్వాత రెండు సంవత్సరాలు గ్యాప్ తీసుకొని స్పీడున్నోడు సినిమా తీశాడు. ఆ తర్వాత వరుసగా.. జయ జానకి నాయక, సాక్ష్యం, కవచం, సీత, రాక్షసుడు, అల్లుడు అదుర్స్ వంటి సినమాల్లో నటించాడు. ప్రస్తుతం వి.వి. వినాయక్ దర్శకత్వంలో చత్రపతి రిమేక్ లో బాలీవుడ్ ఎంట్రీ ఇస్తున్న విషయం తెలిసిందే.
ఇప్పటివరకూ నటించిన సినిమాల్లో అగ్ర హీరోయిన్స్ కూడా ఇతడి పక్కన నటించడం విశేషం. బెల్లంకొండ శ్రీనివాస్ ఆస్తి ఎంత, నెలకు ఎంత సంపాదిస్తున్నాడో వంటి విషయాలకు వెళ్తే.. తన తండ్రి నిర్మాత కాబట్టి.. ఇతడి ఆస్తి దాదాపు రూ.250 కోట్ల వరకు ఉంటుందని అంచనా. అంతే కాకుండా రూ.15 కోట్లు విలువ చేసే ఇల్లు, రెండు ఆధునాతన సౌకర్యాలతో.. కొత్త టెక్నాలజీతో కూడిన కార్లు, మరియు సపర్ లగ్జరీ బైక్ లు కలిగి ఉన్నాడు.
ఇతడి రెమ్యూనరేషన్ కూడా తెలిస్తే షాక్ అవుతారు.. అతడు ప్రతీ సినిమాకు రూ.5 కోట్లు తీసుకుంటున్నాడు. ఇక తన తండ్రి సహాయంతో ఆయన నటించిన కొన్ని సినిమాలు పలు భాషల్లో కూడా విడుదల చేస్తూ, ఎక్కువ అభిమానులను సంపాదించుకునే విధంగా చూస్తున్నారట. అలా కొన్ని సినిమాల శాటిలైట్ రైట్స్ కొనుక్కొని బాగానే డబ్బులు సంపాదిస్తున్నట్లు సినీ వర్గాల టాక్.
