Varun Tej: మెగా కంపౌండ్ నుంచి వచ్చిన నటుల్లో వరుణ్ తేజ్ రూటే సపరేటు. ఓ వైపు కమర్షియల్ సినిమాలు చేస్తూనే.. మరో వైపు యాక్టింగ్ ప్రాధాన్యత ఉన్న క్యారెక్టర్లు కూడా చేశారు. ఆరడుగుల ఎత్తుతో.. అమ్మాయిల కలల రాకుమారుడిగా మారిపోయారు. తాజాగా ఈరోజు వరుణ్ తేజ్ బర్త్ డే జరుపుకుంటున్నారు. మెగా ప్రిన్స్ గా అభిమానులు ముద్దుగా పిలుచుకుంటున్న వరణ్ తేజ్ పదేళ్ల వయసులోనే బాల నటుడిగా వెండితెరకు ఎంట్రీ ఇచ్చాడు.
‘హ్యండ్సప్’ సినిమాలో నటించిన వరుణ్ తేజ్.. ఆ తరువాత ‘కంచె’, ‘ఫిదా’ సినిమాలో ఆడియన్స్ ను ఫిదా చేశారు. నటుడు, నిర్మాత నాగేంద్రబాబు, పద్మజల కుమారుడు వరుణ్ తేజ్. మెగా ఫ్యామిలీ నుంచి వచ్చిన హీరోలు ఎక్కువగా కమర్షియల్ చిత్రాలకే ప్రాధాన్యత ఇస్తారనే టాక్ ఉంది. కానీ వరుణ్ తేజ్ కంచె, అంతరిక్షం వంటి ప్రయోగాత్మక చిత్రాల్లో కూడా నటించాడు. నటుడిగా తనేంటో ఫ్రూవ్ చేసుకున్నాడు.
మరోవైపు రెగ్యులర్ కమర్షియల్ సినిమాలతో ఆడియన్స్ కు దగ్గరవుతున్నాడు. ముకుందా,కంచె, లోఫర్, మిస్టర్, ఫిదా, అంతరిక్షం, ఎఫ్ 2 , గద్దల కొండ గణేష్ సినిమాలో తెలుగు తెరపై తన స్థానాన్ని సుస్థిరం చేసుకున్నాడు. ముఖ్యంగా కంచె సినిమాలో వరుణ్ తేజ్ యాక్టింగ్ విమర్శకుల ప్రశంసలు కూడా దక్కించుకున్నాయి.
శుభాకాంక్షలు తెలుపుతున్న అభిమానులు..
ప్రస్తుతం ఎఫ్ 3, గనీ సినిమాలో బిజీగా ఉన్నాడు వరణ్ తేజ్. ఇప్పటికే మెగా ఫ్యామిలీ నుంచి రామ్ చరణ్ తేజ్, అల్లు అర్జున్, వైష్ణవ్ తేజ్, సాయిధరమ్ తేజ్, అల్లు శిరీష్ లు హీరోలుగా ఉన్నారు.ఇక వరుణ్ తేజ్ సోదరి నిహారిక నిర్మాతగా వెబ్ సిరీస్ లను నిర్మిస్తూ మంచి గుర్తింపు సంపాదించుకున్నారు.ఇక నేడు వరుణ్ తేజ్ పుట్టిన రోజు కావడంతో పెద్ద ఎత్తున అభిమానులు ఈ హీరోకి శుభాకాంక్షలు తెలియజేస్తున్నారు.
