ప్రస్తుతం ప్రపంచమంతా డిజిటలైజేషన్ వైపు పరుగులు తీస్తుంది. ఈ క్రమంలో అన్ని రంగాలకు సంబంధిన సేవలు మరియు సమాచారం ఆన్లైన్ లో అందుబాటులోకి వస్తున్నాయి. మారుతున్న కాలానికి అనుగుణంగా మన ప్రభుత్వాలు కూడా డిజిటల్ సేవలవైపు మొగ్గు చూపుతున్నాయి. వివిధ ప్రభుత్వ రంగ సేవల్లో సాంకేతికతను జోడిస్తున్నాయి.
ఈ నేపధ్యంలో తాజగా రవాణా శాఖ కూడా తమ సేవలను ఆన్లైన్ లో అందిస్తోంది. లెర్నర్ లైసెన్స్, లైసెన్స్ రేన్యువల్స్, డూప్లికేట్ డ్రైవింగ్ లైసెన్స్ వంటి 18 రకాల సేవలను పూర్తిస్తాయిలో ఆన్లైన్ అందించనుంది రవాణా శాఖ. ఈ విషయంపై తాజాగా ఒక సర్క్యులర్ జారీ చేసింది కేంద్ర రవాణా శాఖ. ఈ మేరకు డిజిటల్ సేవలన్నీ మర్చి 3వ తేది నుండి అందుబాటులోకి వచ్చాయి. ఇకపై వాహనదారులు ఆర్టీవో అఫీసులుల చుట్టూ తిరగాల్సిన పనిలేకుండా ఈ సేవలు పొందవచ్చు. అయితే ఈ సేవలు వినియోగించుకోవాలంటే కచ్చితంగా ఆధార్ అథెంటికేషన్ చేసుకోవాలని రవాణా శాఖ సూచించింది.
ఆన్లైన్లో లభించనున్న 18 సేవల్లో ముఖ్యమైనవి..
* లెర్నర్స్ లైసెన్స్
* డ్రైవింగ్ లైసెన్స్ రెన్యూవల్
* డూప్లికేట్ డ్రైవింగ్ లైసెన్స్, రిజిస్ట్రేషన్ సర్టిఫికెట్
* డ్రైవింగ్ లైసెన్స్, వాహన రిజిస్ట్రేషన్ పత్రంలో చిరునామా మార్పు
* అంతర్జాతీయ డ్రైవింగ్ లైసెన్స్
* వాహన యాజమాన్య హక్కుల బదిలీకి ఎన్వోసీ, బదిలీ దరఖాస్తు.
* ఇంటర్నేషనల్ డ్రైవింగ్ పర్మిట్.
* లైసెన్స్ నుంచి వాహనాలను తొలగించడం.
* తాత్కలిక రిజిస్ట్రేషన్ అప్లికేషన్.
వీటితో పాటు మరికొన్ని సేవలను ఆన్లైన్లో అందుబాటులోకి తీసుకురావడానికి రవాణా శాఖ నిర్ణయం తీసుకుంది.
Certain services regarding Driving License and Certificate of Registration have been made completely online. Now these services can be availed without going to RTO. With Aadhaar authentication, on voluntary basis, anyone can get the benefit of these contactless services. pic.twitter.com/UBBvbbsGfG
— MORTHINDIA (@MORTHIndia) March 4, 2021
