Hyper Aadi: జబర్దస్త్ కార్యక్రమం ద్వారా ఎంతో మంచి గుర్తింపు సంపాదించుకున్న వారిలో హైపర్ ఆది ఒకరు. హైపర్ ఆది జబర్దస్త్ కార్యక్రమం ద్వారా ఎంతో గుర్తింపు పొందడమే కాకుండా రోజురోజుకు ఈయనకు విపరీతమైన ఫ్యాన్ ఫాలోయింగ్ ఏర్పడింది. ఇకపోతే హైపర్ ఆది వ్యక్తిగతంగా పవన్ కళ్యాణ్ కు పెద్ద అభిమాని అనే విషయం మనకు తెలిసిందే. పవన్ కళ్యాణ్ గురించి ఎవరైనా ఏమైనా అంటే ఈయన పరోక్షంగా వారి గురించి పెద్ద ఎత్తున సెటైర్లు వేయడం మనం చూస్తున్నాము.
ఇకపోతే తాజాగా ఒక ఇంటర్వ్యూలో భాగంగా పవన్ కళ్యాణ్ గురించి హైపర్ ఆది చేసిన వ్యాఖ్యలు వైరల్ అయ్యాయి. గత కొద్ది రోజుల క్రితం తాను పవన్ కళ్యాణ్ గారిని వ్యక్తిగతంగా కలిశానని ఆది పేర్కొన్నారు.పవన్ కళ్యాణ్ నటిస్తున్న హరిహర వీరమల్ల సినిమాలో తాను కూడా చిన్న పాత్రలో నటిస్తున్నానని అందుకే ఆయనని కలిశానని ఆది పేర్కొన్నారు.
ఈ విధంగా ఆది పవన్ కళ్యాణ్ గురించి మాట్లాడుతూ అబ్బో పవన్ కళ్యాణ్ గారు ఏ మనిషి అండి… డబ్బు పై తనకు ఏమాత్రం ఆసక్తి లేదు డబ్బు ఎలాంటి వారినైనా మార్చేస్తుంది కానీ ఆయన మాత్రం మారడు. అలా డబ్బు పై వ్యామోహం లేని వ్యక్తి ప్రజలకు మంచి చేయాలని ఆలోచిస్తారు అంటూ పవన్ కళ్యాణ్ గురించి హైపర్ ఆది కామెంట్ చేశారు. ఇక ఆయన సినిమాలలో సంపాదించిన డబ్బు మొత్తం చనిపోయిన కౌలు రైతుల కుటుంబాలకు ఇస్తున్నారు. అలాంటి సేవలో తాను కూడా భాగమవుతానని ఇక జనసేన పార్టీలో భాగంగా ఏదైనా ప్రచారానికి తనను ఆహ్వానిస్తే తప్పకుండా వెళ్తానని ఆది పేర్కొన్నారు.
పార్టీ ప్రచారంలో భాగంగా ఏం చెప్పినా చేస్తాను…
ఒకవేళ జనసేన పార్టీ నుంచి ఎమ్మెల్యే అభ్యర్థిగా అవకాశం వస్తే పోటీ చేస్తారా అని యాంకర్ ప్రశ్నించగా ఆ ప్రశ్నకు ఆది సమాధానం చెబుతూ.. అలాంటి ఆశలు ఏమీ లేవని తెలిపారు.ఒకవేళ స్వయంగా పవన్ కళ్యాణ్ గారు ఈ అవకాశం ఇస్తే ఏం చేస్తారు అనే ప్రశ్న ఎదురవగా వాళ్లు ఎన్నో ఒడిదుడుకులు చూసి ఈ స్థాయికి వచ్చారు. తనుకు కూడా ఎంతో అనుభవం కావాలంటూ ఈ సందర్భంగా ఆది ఎమ్మెల్యే అభ్యర్థి టికెట్ గురించి ఆసక్తికరమైన వ్యాఖ్యలు చేశారు.ఈ క్రమంలోనే హైపర్ ఆది పవన్ కళ్యాణ్ గురించి చేసిన ఈ వ్యాఖ్యలు వైరల్ అవుతున్నాయి.
