పునీత్ రాజ్ కుమార్ మరణం కన్నడ సినీ పరిశ్రమలోనే కాకుండా అన్ని సినీపరిశ్రమలో తీవ్ర విషాదాన్ని నింపింది. ఇతని మరణవార్తతో అభిమానులు,కుటుంబ సభ్యులు,బంధువులు,సన్నిహితులు ఒక్కసారిగా శోకసంద్రంలో మునిగిపోయారు. ఇప్పటికీ కొంతమంది ఆ మరణవార్త విని షాక్ లోనే ఉన్నారు. నిన్న అనగా శుక్రవారం ఉదయం జిమ్ చేస్తుండగా హఠాత్తుగా కుప్పకూలిపోయాడు. వెంటనే అతడిని హుటాహుటిన ఆస్పత్రికి తరలించారు. అక్కడ మధ్యాహ్నం ఒంటిగంట ప్రాంతంలో మరణించారు.
ప్రస్తుతం సోషల్ మీడియాలో అతడి మరణం వెనుక ఉన్న అసలు కారణం ఏంటి? అన్న ప్రశ్నలు తలెత్తుతున్నాయి.పునీత్ లు ఎంతో ఇష్టమైన ఆయన హెవీ వర్కౌట్స్ అతని మరణానికి కారణమా? అంటే అవుననే వార్తలు వినిపిస్తున్నాయి. ఎప్పటిలాగే జిమ్ లో భారీ వర్కౌట్ చేస్తూ ఉండే పునీత్ నిన్న జిమ్లో వర్కవుట్ చేస్తూనే ఒక్కసారిగా కుప్పకూలిపోయాడు.
అయితే డాక్టర్లు అతడి గుండెలోని రక్తనాళాలు చిట్లిపోవడం వల్లే మృతి చెందినట్లు తెలిపారు. జిమ్ సమయంలో కార్డియాక్ అరెస్ట్ జరిగి ప్రాణాలు కోల్పోయినట్టు వివరించారు.పునీత్ చేసే వర్కౌట్స్ చాలా ప్రమాదకరంగా ఉండేవని ఆయన సన్నిహితులు చెబుతున్నారు. అయితే గుండె పోటుకు గురవడం పునీత్ కుటుంబానికి ఇది కొత్త ఏమీ కాదు.
గతంలో పునీత్ అన్న శివరాజ్ కుమార్ కూడా జిమ్లో వర్కవుట్ చేస్తూ గుండెపోటుకు గురయ్యారు. అదృష్టవశాత్తు మృత్యువు నుంచి బయటపడ్డారు. కానీ పునీత్ మాత్రం మృత్యువు ఒడిలోకి జారుకున్నారు. ఆ తర్వాతి సినిమా లో బాడీ బిల్డర్ పాత్ర కోసం ఆయన పడిన కష్టం ఏకంగా ఆయన ప్రాణాల మీదకు తెచ్చింది. మొత్తానికి పునీత్ రాజ్ కుమార్ మరణం సినీ పరిశ్రమకు తీరని లోటు అని చెప్పవచ్చు.
