Jayam Movie Child Artist:డైరెక్టర్ తేజ దర్శకత్వంలో సదా నితిన్ హీరో హీరోయిన్లుగా ప్రేక్షకుల ముందుకు వచ్చిన చిత్రం జయం. ఈ సినిమా అప్పట్లో ఎలాంటి సంచలనాలను సృష్టించిందో మనకు తెలిసిందే. ఇక ఈ సినిమాలో సదా చెల్లెలి పాత్రలో నటించిన చైల్డ్ ఆర్టిస్ట్ యామిని శ్వేత ఎంతో మంచి గుర్తింపు పొందారు. ఈ సినిమాలో అక్షరాలను తిప్పి రాసే అమ్మాయిగా హీరోయిన్ సదా చెల్లెలు పాత్రలో ఎంతో అద్భుతంగా నటించి గుర్తింపు పొందారు.
ఈమె నటించిన ఈ సినిమాకు ఏకంగా నంది అవార్డు కూడా అందుకోవడం విశేషం.ఇలా మొదటి సినిమాతోనే నంది అవార్డు అందుకున్న యామిని శ్వేత ప్రస్తుతం ఏం చేస్తుంది ఎక్కడుంది అనే విషయానికి వస్తే… యామిని శ్వేత సీరియల్ ఆర్టిస్ట్ జయలక్ష్మి కుమార్తె ఈ సినిమా కోసం ఆడిషన్స్ జరుగుతున్న నేపథ్యంలో ఆమె తండ్రి డైరెక్టర్ కు ఫోటోలు పంపించడంతో ఈమె ఆడిషన్స్ కి వెళ్లి సెలెక్ట్ అయ్యారు.ఇక యామిని శ్వేత జయం సినిమా కన్నా ముందుగా దాదాపు పది బుల్లితెర సీరియల్స్ లో చైల్డ్ ఆర్టిస్ట్ గా నటించారు.
జయం సినిమా తర్వాత మరో రెండు మూడు సినిమాలలో నటించిన యామిని శ్వేత అనంతరం ఉన్నత చదువుల నిమిత్తం సినిమాలకు గుడ్ బై చెప్పి చదువులపై శ్రద్ధ పెట్టారు. ఇలా ఈమె విదేశాలలో మాస్టర్ కంప్లీట్ చేసి అనంతరం వివాహం చేసుకొని వైవాహిక జీవితంలో సెటిల్ అయ్యారు.
Jayam Movie Child Artist: వివాహం చేసుకొని జీవితంలో సెటిల్ అయిన యామిని శ్వేత…
ప్రస్తుతం యామిని శ్వేతకు ఓ కుమార్తె కూడా ఉంది.అయితే తను చదువులు పూర్తి చేసుకున్న తర్వాత కూడా తనకు సినిమాలలో అవకాశాలు వచ్చినప్పటికీ ఈమె మాత్రం సినిమా ఇండస్ట్రీకి దూరమయ్యారు. అయితే భవిష్యత్తులో ఈమెకు ఏదైనా మంచి కథ దొరికితే ఇండస్ట్రీకి రీఎంట్రీ ఇస్తుందా లేదా అనే విషయం తెలియాల్సి ఉంది.
